ސައިކަލެއްގައި އަޅުވާފައި ހުރި ހެލްމެޓެއް ވަގަށްނެގި ބަޔަކު ހޯދުމުގެ މަސައްކަތް ފުލުހުން ފަށައިފިއެވެ.
ސޯޝަލްމީޑިއާގައި ދައުރުވަމުންދާ ވީޑިއޯއިން ފެންނަނީ، ހުޅުމާލޭގައި ސައިކަލެއްގައި ދިޔަ ދެމީހަކު ޕާކުކޮށްފައިހުރި އެހެން ސައިކަލެއްގައި އަޅުވާފައި ހުރި ހެލްމެޓެއް ވަގަށްނަގާ މަންޒަރެވެ.
މި ވީޑިއޯ ސޯޝަލްމީޑިއާގައި ދައުރުވަމުންދާއިރު، އެކަމާގުޅޭގޮތުން ފުލުހުންގެ ތަރުޖަމާނު އަހުމަދު ޝިފާން ވިދާޅުވީ އެ މައްސަލަ ތަހުގީގުކޮށް، އެކަން ކުރިކަމަށް ތުހުމުތުކުރެވޭ ފަރާތްތައް ދެނެގަތުމުގެ މަސައްކަތް ފުލުހުން ކުރަމުން ގެންދާ ކަމަށެވެ.
ވީޑިއޯގައި ފެންނަ ޢަމަލު ތަޙްގީގުކޮށް، އެކަން ކުރިކަމަށް ތުހުމުތުކުރެވޭ ފަރާތްތައް ދެނެގަތުމުގެ މަސައްކަތް ފުލުހުންދަނީ ކުރަމުން. https://t.co/MIKfS6CQJz
— Ahmed Shifan (@Shifan4040) April 3, 2024
މި މައްސަލައިގައި މިހާތަނަށް މީހަކު ހައްޔަރުކުރިކަން ފުލުހުން ހާމަކޮށްފައެއް ނުވެއެވެ.
ފަހަކަށްއައިސް ވައްކަމުގެ މައްސަލަތައް ވަނީ އިތުރުވެފައެވެ. ފުލުހުންގެ ތަފާސްހިސާބު ދައްކާގޮތުން މި ނިމުނު މާޗު މަހު ފުލުހުންނަށް އެންމެ ގިނައިން ހުށަހަޅާފައިވަނީ ވައްކަމުގެ މައްސަލައެވެ.