1445 ވަނަ އަހަރު މާލެސިޓީގައި ފިޠުރު އީދު ނަމާދު 4 މައިދާނުގައި ކުރުމަށް ހަމަޖެހިފައިވާ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނެފައިވަނީ މާލެ ސަރަހައްދުގައި އީދު ނަމާދު ބޮޑު ޖަމާއަތުގައި ކުރާނީ މާލޭގައި މާފަންނު ސްޓޭޑިއަމްގައި، ވިލިމާލޭގައި ބޯޅަދަނޑުގައި، ހުޅުމާލެ ފޭސް1 ގައި ސިންތެޓިކް ޓްރެކް ސަރަހައްދުގައި އަދި ހުޅުމާލެ ފޭސް2 ގައި ކްރިކެޓް ސްޓޭޑިއަމް ސަރަހައްދުގައެވެ.
އިސްލާމިކް މިނިސްޓްރީން ބުނެފައިވަނީ 4 މައިދާނުގެ އިތުރުން މާލެ ސަރަހައްދުގެ 22 މިސްކިތެއްގައިވެސް އީދު ނަމާދު ޖަމާއަތުގައި ކުރާނެ ކަމަށެވެ. އެގޮތުން މާލޭގެ 16 މިސްކިތުގައި، ވިލިނގިލީ މަސްޖިދުލް ބިއްރި މިސްކިތުގައި، ހުޅުމާލެ ފޭސް1 ގެ 3 މިސްކިތެއްގައި އަދި ހުޅުމާޅެ ފޭސް 2 ގެ ދެ މިސްކިތެއްގައި އީދު ނަމާދު ކުރާނެއެވެ.
މީގެއިތުރުން އިސްލާމިކް މިނިސްޓްރީން ބުނެފައިވަނީ މޫސުން ތަންނުދިނުމުގެ ސަބަބުން މައިދާންތަކުގައި ކުރަން ހަމަޖެހިފައިވާ ބޮޑު ޖަމާއަތުގެ އީދު ނަމާދު ކެންސަލް ކުރަން ޖެހިއްޖެނަމަ މާލޭގައި ހުކުރުކުރާ ހުރިހާ މިސްކިތެއްގައިވެސް އީދުނަމާދު ކުރާނެ ކަމަށެވެ.
1445ވަނަ އަހަރު މާލެސިޓީގައި ފިޠުރު ޢީދުނަމާދުކުރުމަށް ހަމަޖެހިފައިވާ މައިދާންތަކާއި މިސްކިތްތައްhttps://t.co/xDomRFwZA0 pic.twitter.com/Qrx04A9MBV
— Ministry of Islamic Affairs (@MVIaffairs) April 4, 2024
އީދު ނަމާދުގެ ޖަމާއަތް ފަށާ ގަޑި އަވަސްކޮށް 7:00 ގައި ފެށުމަށް ވަނީ ނިންމާފައެވެ.