މި ސަރުކާރުގެ ހަތަރު މަހުގެ ތެރޭގައި ރާއްޖޭގެ އޭވިއޭޝަން ދާއިރާ އަށް ހަލުވި ކުރިއެރުންތަކެއް ލިބިފައިވާ ކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވެއްޖެ އެވެ.
އޭނަ އެ ގޮތަށް ވިދާޅުވީ ރާއްޖޭގައި އަލަށް ގައުމީ އެއާލައިން މޯލްޑިވިއަން މެދުވެރިކޮށް، އެއާ އެމްބިއުލާންސްގެ ހިދުމަތް ފެށުމާއި ކަނޑުގެ ސަރަހައްދު ބަލަހައްޓަން އެމްއެންޑީއެފުން އެއާކޯ އުފައްދައި ޑްރޯމް ބޭނުން ކުރަން ފެށުމާއި ޕްރައިވެޓް އެއާލައިނެއް ކަމަށްވާ މަންޓާ އެއާ އިން ރާއްޖެ އިން ބޭރަށް ދަތުރު ފެށުމުގެ އިތުރުން މޯލްޑިވިއަނުން ވައިޑްބޮޑީ ބޯޓްތައް ބޭނުން ކުރަން ފެށުމުގެ ތައްޔާރީތައް ވަމުން އަންނަކަން ފާހަގަކުރައްވަ އެވެ.
The aviation sector has seen rapid evolution over the past four months, all thanks to the visionary and meticulous planning by President @MMuizzu
We're gearing up for exciting times with the introduction of widebody operations focused on boosting Maldivian tourism through… pic.twitter.com/x86sWU67vV— Mohamed Ameen (@ameen3d) April 5, 2024
އަމީން ވިދާޅުވީ މިކަންކަމުގެ ހުރިހާ ވެސް ޝުކުރެއް ހައްގު ވަނީ ހަރުދަނާ ތަސައްވުރަކާ އެކީ ޕްލޭން ކުރައްވައިގެން ކަންކަން ކުރައްވަމުން ގެންދަވާ ރައީސް ޑރ. މުހައްމަދު މުއިއްޒަށް ކަމަށެވެ.
"މިހާރު ތައްޔާރުވަމުން މި އަންނަނީ ވައިގެ ދަތުރުތަކަށް ވައިޑްބޮޑީ ބޯޓްތައް ބޭނުން ކުރަން ފެށުމަށް. މީގެ ސަބަބުން ރާއްޖޭގެ ޓޫރިޒަމަށް ވެސް ބޮޑު ކުރިއެރުމެއް އަންނާނެ." މިނިސްޓަރު ވިދާޅުވި އެވެ.
ރާއްޖޭގައި އަލަށް އެއާ އެމްބިއުލާންސްގެ ހިދުމަތާއި ޑްރޯންގެ ހިދުމަތް ފެށީ މިދިޔަ މަހުގެ ތެރޭގަ އެވެ.