މާލޭގެ ފިހާރައަކުން ވައްކަން ކުރުމަށްޓަކައި އެ ތަނުގެ ފުރާޅު މައްޗަށް އަރައި އުޅުނު ދެ މީހަކު ހައްޔަރުކޮށްފި އެވެ.
ފުލުހުން ބުނީ ރޭގެ ވަގުތެއްގައި ހައްޔަރުކުރީ ދަނބުގޯޅީގައި ހުންނަ "ހޯލްސޭލް ޕޮއިންޓް" ފިހާރައިގެ ގުދަނުން ވައްކަން މަސައްކަތް ކުރަމުން ދަނިކޮށް ކަމަށެވެ. ގުދަނުގެ ފުރާޅުމަތިން ހައްޔަރުކުރީ 43 އަހަރުގެ ފިރިހެނަކާއި 38 އަހަރުގެ ފިރިހެނެކެވެ,
ފުލުހުން ބުނީ އެ ދެމީހުންނަކީ ކުރިން ވެސް ވެސް ކުށުގެ ރެކޯޑު އޮންނަ ދެ މީހުން ކަމަށެވެ.
މި ރޯދަ މަހުގެ ތެރޭގައި ވައްކަން ވަރަށް ބޮޑަށް އިތުރުވެފައިވާ ކަމަށް ފުލުހުން ބުންޏެވެ. އެގޮތުން ރޯދަ މަހުގެ ފުރަތަމަ ދެ ހަފްތާގައި އެކަނި ވެސް ވައްކަމުގެ 101 މައްސަލައެއް ރިޕޯޓުކޮށްފައިވެ އެވެ.