ފަސް ކިލޯއެއްހާ ޑްރަގްސް ރާއްޖެ ގެނެސް އެތަކެތި އެއާޕޯޓުން ބޭރުކުރަން އުޅުނު މައްސަލައެއްގައި މުވައްޒަފުންތަކެއް ހައްޔަރުކޮށް ފިއެވެ.
މި މައްސަލާގައި ހައްޔަރުކޮށްފައިވަނީ މޯލްޑިވްސް އެއާޕޯޓްސް ކޮމްޕެނީ އެމްއޭސީއެލް) ގެ ދެ މުވައްޒަފެއްގެ އިތުރުން އިތުރުން ދެ މީހެކެވެ.
ފުލުހުން ބުނީ ޑްރަގްސް ފެނުނީ އުސޫލުން ބޭރުން އެއާޕޯޓުން ބޭރުކުރަން އުޅުނު ލަގޭޖެއްގެ ތެރެއިން ކަމަށެވެ. އަދި އޭގައި މެތާއި ހެރޮއިން ހިމެނޭ ގޮތަށް ޖުމުލަ 4.5 ކިލޯގެ ޑްރަގްސް ހުރިކަމަށް ފުލުހުން ބުންޏެވެ.
އެއާޕޯޓްގެ ދެ މުވައްޒަފުގެ އިތުރުން މައްސަލާގައި ހައްޔަރުކޮށްފައި ވަނީ ޕާކިސްތާނުގެ މީހަކާއި ފޮއްޓާއި ހަވާލުވާން ދިޔަ މީހެއް ކަމަށް ފުލުހުން ބުނެއެވެ. އެ މީހުން ހައްޔަރުކުރީ މިދިޔަ މަހުގެ 15 ގަ އެވެ.
އެ މީހުންގެ ބަންދުގެ މުއްދަތު ޖަހަން ގެންދިޔުމުން ތަކެތި އެތެރެކުރުމުގައި އެންމެ އިސްކޮށް އުޅުނު މީހާ ކޯޓުން ދޫކޮށްލާފައިވާކަމަށް ފުލުހުން ބުންޏެވެ. އަދި އެއާޕޯޓްގެ ސީނިއާ މުވައްޒަފެއް ކަމަށާއި މި މައްސަލާގައި އެ ކުންފުނީގެ ގިނަ މުވައްޒަފުންތަކެއް ޝާމި،ލުވާ ކަމަށް ވެސް ފުލުހުން ބުންޏެވެ.