ކުރީގެ ރައީސް އަބްދުالله ޔާމީން އިސްވެ އުފައްދަވާ ޕީޕަލްސް ނެޝަނަލް ފްރަންޓު (ޕީއެންއެފް) އުފެއްދުމަށް ބާއްވާ ޖަލްސާ މާދަމާ ރޭ ބާއްވަން ނިންމައިފި އެވެ.
އެ ޖަލްސާ ބާއްވަން ކުރިން ނިންމީ މިރެ އެވެ. ނަމަވެސް ސިޔާސީ ޕާޓީ އުފެއްދުމުގެ ޖަލްސާތައް ބޭއްވުމުގެ ކުރިން އިލެކްޝަންސް ކޮމިޝަން (އީސީ) އަށް ދޭން ޖެހޭ ތިން ދުވަހުގެ ނޯޓިސް މި ރެއަށް ހަމަ ނުވާކަން އެންގުމުން އެ ޕާޓީން ޖަލްސާ ލަސްކުރަން ނިންމީ އެވެ.
ޕާޓީ އުފެއްދުމުގައި އިސްކޮށް ހަރަކާތްތެރިވެވަޑައިގަންނަވާ ކުރީގެ މިނިސްޓަރު މުހައްމަދު މަލީހު ޖަމާލު ސޯޝަލް މީޑިއާގައި ވިދާޅުވީ، ޕީއެންއެފް އުފެއްދުމުގެ ޖަލްސާ އޮންނާނީ މާދަމާ 2024 ގެ ރޭ 9:15 ގައި ޣިޔާސުއްދީން ސްކޫލުގައި ކަމަށެވެ.
އަދި އެ ޖަލްސާގައި ޔާމީން ބައިވެރިވެވަޑައިގަންނަވާނެ ކަމަށް ވެސް ވިދާޅުވި އެވެ. ޔާމީން ޖަލްސާގައި ބައިވެރިވެވަޑައިގަންނެވުމުހެ ހުއްދައަކަށް އެދުމުން ކަރެކްޝަން އިން ހުއްދަ ދީފައެއް ނުވެ އެވެ. ވ. އާ ރަށުގެ މުއާމަލާތުގެ މައްސަލައިގައި ކޮރަޕްޝަން އަދި ރިޝްވަތު ދިނުމުގެ ކުށް ސާބިތުވެ 11 އަހަރުގެ ޖަލު ހުކުމެއް ތަންފީޒު ކުރައްވަމުންދާ ޔާމީން މިވަގުތު ހުންނެވީ ރަށުބަންދުގަ އެވެ.
އަދި އެ މަނިކުފާނަށް ސިޔާސީ ހަރަކާތްތަކުގައި ބައިވެރިވުމެއްގެ ހުއްދައެއް ނެތެވެ. އެކަމަލު މި ފަހުން ޕީއެންއެފްގެ ގިނަ އެއްވުންތަކުގައި ޔާމީން ގެންދެވީ ބައިވެރިވަވަޑައިގަންނަވަމުންނެވެ.