މޯލްޑިވްސް ޒަކާތު ހައުސްގ ޑިރެކްޓަ ޖެނެރަލް އޮފް ޒަކާތުގެ މަގާމަށް ޝައިޚް ޢިއްޒުއްދީން އަދުނާން އައްޔަންކޮށްފި އެވެ.
އޭނަ އެ މަގާމަށް އައްޔަންކުރީ ރޭ އިސްލާމިކް މިނިސްޓްރީގައި އޮތް ރަސްމިއްޔާތެއްގަ އެވެ.
ޢިއްޒައްދީނަކީ 2008 ވަނަ އަހަރުން ފެށިގެން އިސްލާމިކް މިނިސްޓްރީގެ އެކިއެކި މަގާމުތައް ފުރައްވަމުން ގެންދަވާ ބޭފުޅެކެވެ. އޭނަ އެންމެ ފަހުން ހުންނެވީ މިނިސްޓްރީގެ މުސާޢިދު ވާޢިޒުގެ މަގާމުގަ އެވެ.
ޢިއްޒުއްދީން މަތީ ތަޢުލީމް ޙާސިލުކުރެއްވީ ޕާކިސްތާނުގެ އިސްލާމީ އާބާދުގެ އިންޓަނޭޝަނަލް އިސްލާމިކް
ޔުނިވަސިޓީންނެވެ. އަދި މިހާރު ގައުމީ އިސްލާމިކް ޔުނިވާސިޓީގައި ގެންދަވަނީ ޕީއެޗްޑީ ހާސިލްކުރައްވަމުންނެވެ. ޢިއްޒައްދީން ވަނީ 2016 ގައި މާސްޓަ އޮފް ޝަރީޢާ ކޯސް ފުރިހަމަ ކުރައްވައި ބުކް ޕްރައިޒް ވެސް ހާސިލްކުރައްވައިފަ އެވެ.
ރާއްޖޭގައި ޒަކާތާ ގުޅޭ ކަންކަން ހަރުދަނާ ކުރަން މި ސަރުކާރުން އުފެއްދި ޒަކާތުގެ އިސް މަގާމަކަށް އިއްޒުއްދީން އައްޔަންކުރި އިރު، އެ އިދާރާ އުފެއްދެވީ މިދިޔަ އަހަރުގެ ޑިސެމްބަރ 18 އެވެ. އަދި ޒަކާތު ހައުސް ރަސްމީކޮށް އިފުތިތާހު ކުރީ މި އަހަރުހެ ޖެނުއަރީ 2 ގަ އެވެ.