އެއްބައިވަންތަކަމާ އެކީ ޢީދުގެ އުފާވެރިކަން ވީ އެންމެ ބޮޑަކަށް ފާހަގަކުރުމަށް ރައިސް މުޙައްމަދު މުޢިއްޒު ރައްޔިތުންގެ ކިބައިން އެދިވަޑައިގެންފި އެވެ.
ރޭ "ޢީދު އަލި" އިފުތިތާޙްކޮށް ދެއްވުމާއި ޖުމްޖޫރީ މައިދާންގެ ފެންއަރުވާ ވަޑާން އަލުން ހުޅުވައިލަން ބޭއްވި ރަސްމިއްޔާތުގައި ރައީސް ވިދާޅުވީ އެ މަނިކުފާނު ބޭނުންވެވަޑައިގަންނަވަނީ ފިތުރު އީދާއި އަޟްހާ އީދުގެ އުފާ ފާޅުކުރުމަށް އިސްލާމު ދީނުގައި ދެއްވާފައިވާ އިސްކަން، ކުދިބޮޑު ހުރިހާ ފަރާތްތަކަށް އިހްސާސްކޮށްދެއްވަން ކަމަށެވެ. އެގޮތުން އީދަށް ތައްޔާރުވެ އެއްބައިވަންތަކަމުގެ އަޒުމު އާކޮށް، ހުރިހާ ފަރާތްތަކަކުން ވެސް ޢީދުގެ އުފަލުގައި ބައިވެރިވުން އެދިވަޑައިގަންނަވާ ކަމަށް ވިދާޅުވި އެވެ.
އެ މަނިކުފާނު ވިދާޅުވީ ރާއްޖޭގެ ސިޓީތަކާއި އަތޮޅު ވެރިކަން ކުރާ ރަށްތަކުގައި ރޭ "އީދު އަލި" ދިއްލުންތަކަކީ ވެސް އެ ބޭނުމުގައި ފެށްޓެވި މަސައްކަތެއް ކަމަށެވެ.
މާދަމަ އަކީ މި އަހަރުގެ ފިތުރު އީދު ދުވަހެވެ. އީދު ނަމާދު ރާއްޖޭގެ ހުރިހާ ހިސާބެއްގައި ވެސް ބޮޑު ޖަމާއަތުގައި ކުރާނެ އެވެ. އީދު ނަމާދު މި އަހަރު ފަށަން ހަމަޖެހިފައި ވަނީ ހެނދުނު 7:00 ގަ އެވެ.