ކުރީގެ ރައީސް އަބްދުﷲ ޔާމީން އިސްކޮށް ހުންނަވައިގެން އުފައްދަވާ ޕާޓީ، ޕީޕަލްސް ނެޝަނަލް ފްރޮންޓް (ޕީއެންއެފް) އުފެއްދުމަށް ބާއްވަންޖެހޭ ޖަލްސާއަށް ސަރުކާރުން ހުރަސްއަޅާކަމަށް ތުހުމަތު ކޮށްފިއެވެ.
މިގޮތަށް ތުހުމަތު ކޮށްފައިވަނީ ޕީއެންއެފް އުފެއްދުމުގައި އިސްކޮށް އުޅުއްވާ މުހައްމަދު މަލީހް ޖަމާލްއެވެ.
މަލީހް އެކްސްގައި ކުރި ޕޯސްޓެއްގައި ބުނެފައިވަނީ، އީސީގެ ހުއްދައާ އެކު ބާއްވާ ޕީއެންއެފް އުފެއްދުމުގެ ޖަލްސާއަށް ސަރުކާރުން ހުރަސް އަޅަމުންދާކަމަށެވެ. އަދި އެހީތެރިކަން ނުދީފިނަމަ އެކަމުގައި އިސްކޮށް އުޅޭ ފަރާތްތައް ހާމަކުރާނެ ކަމަށްވެސް މަލީހް ވިދާޅުވިއެވެ.
Minivan muahsasaa EC ge huhdhayaai eku baavvaa PNF ufehdhumuge jalsaa ah sarukaarun dhanee huras alhamun. Eheetherikan nudheefi nama Elekamuge emme iskoh ulhuhvaa beyfulhun irukolhegge therey haamakuraanan. @presidencymv pic.twitter.com/2dGSuMPxXe
— Mohamed Maleeh Jamal (@maleehjamal) April 9, 2024
ޕީއެންއެފް އުފެއްދުމަށް ބާއްވާ ޖަލްސާ ބޭއްވުމަށް ހަމަޖެހިފައިވަނީ މިރޭއެވެ.
ސިޔާސީ ޕާޓީ ތަކުގެ ޤަވައިދުގެ އަށް ވަނަ މާއްދާގެ (ށ) ގައި ބުނެފައިވަނީ ސިޔާސީ ޕާޓީއެއް އުފެއްދުމަށް ބޭނުންވާ 3000 މީހުންގެ ފޯމް އިލެކްޝަންސް ކޮމިޝަނަށް ހުށަހެޅުމުން އެ ޕާޓީއެއް ރަޖިސްޓްރީކޮށްދިނުމުގެ ކުރިން އެޕާޓީއަކަށް ސޮއިކޮށްފައިވާ މީހުންގެ ތެރެއިން މަދުވެގެން 300 މީހުން ބައިވެރިވާ ޖަލްސާއެއް ބާއްވަންޖެހޭނެ ކަމަށެވެ.ޕީއެންއެފް އުފެއްދުމުގެ އިސްކޮށް އުޅުއްވަނީ ކުރީގެ ނައިބުރައީސް ޑރ. މުހައްމަދު ޖަމީލް އަހުމަދު އަދި ކުރީގެ މިނިސްޓަރު މުހައްމަދު މަލީހް ޖަމާލެވެ. ޕީއެންއެފްގެ މުއައްސިސަކީ ޔާމީންގެ ދަރިކަލުން ޒެއިން ޔާމީން އަބްދުލްޤަައްޔޫމެވެ.