ކޯޓަށް ހުށަހެޅިފައިވާ މައްސަލައަކާ ގުޅިގެން ކޯޓަށް ހާޒިރު ކުރަން ބޭނުންވެ ހާޒިރު ކުރެވިފައި ނުވާ މަރަދޫ މީހަކު ފުލުހުންގެ ބަންދުގައި ބަހައްޓައިގެން ކޯޓަށް ހާޒިރުކޮށް ދިނުމަށް ފުލުހުންގެ މައްޗަށް އަމުރު ކުރުމާ ގުޅިގެން އޭނާ ހޯދުމުގެ މަސައްކަތް ފުލުހުން ފަށައިފި އެވެ.
ފުލުހުންގެ ހޯދަމުން ދަނީ މަރަދޫ ރެޖީނާގެ، އިބްރާޙީމް ފާޒިލް، 29، އެެވެ.
އޭނާ ހޯދަނީ އޭނާގެ މައްޗަށް ދަޢުވާ ލިބޭ ވައްކަމުގެ މައްސަލައަކާ ގުޅިގެން މީގެ ކުރިން ވެސް ކޯޓަށް ޙާޒިރުވުމަށް އަމުރު ފޮނުވުމުން ވެސް ކޯޓަށް ޙާޒިރު ނުވެ ފިލައިގެން އުޅެމުންދާތީ މަރަދޫ މެޖިސްޓްރޭޓް ކޯޓުން ފުލުހުންގެ މައްޗަށް ކޮށްފައިވާ އަމުރާއި ގުޅިގެންނެވެ.
އެހެންވެ ފާޒިލް އާ ބެހޭ އެއްވެސް މަޢުލޫމާތެއް ލިބިފައިވާ ނަމަ އެ މަޢުލޫމާތެއް މޯލްޑިވްސް ޕޮލިސް ސާވިސްގެ ހޮޓްލައިން ނަމްބަރު 3322111 އަށް ނުވަތަ ޕޮލިސް ކަސްޓޯޑިއަލް ޑިޕާޓްމަންޓްގެ ނަމްބަރު 9991442 އަށް ގުޅައި ހިއްސާ ކުރަން ފުލުހުން އެދެ އެވެ.