މި އަހަރު ފިތުރު ޒަކާތުން ތިން ސެންޓަކަށް ޒަކާތު ހައުސް އިން އެހީ ދީފި އެވެ،
އެ ތިން ސެންޓަރަކީ "ކުޑަކުދިންގެ ހިޔާ"، "ފިޔަވަތި" އަދި ކ. ގުރައިދޫގައި ހުންނަ އެހީއަށް ބޭނުންވާ މީހުންގެ މަރުކަޒެވެ.
އިސްލާމިކް މިނިސްޓްރީގެ ދަށުން ހިންގަމުން އަންނަ ޒަކާތު ހައުސް އިން ބުނީ އެ ތިން ސެންޓަރަށް ހަދިޔާކުރީ މި އަހަރު ފިޠުރުޒަކާތުގެ ގޮތުގައި ލިބިފައިވާ ފައިސާއިން ބަޔަކާއ އަދި ފަޤީރުންނާއި މިސްކީނުންގެ ދަފްތަރުގައި ޖައްސާފައިވާ އާންމުންނަށް ބެހުމަށްފަހު ނުގެންގޮސްހުރި ގޮވާމުން ކަމަށެވެ.
އެގޮތުން 129،960.44ރ. ރުފިޔާ އަދި ގޮވާމުން 7387.65 ކިލޯ ގްރާމް ތަކެތި ހަވާލުކޮށްފައިވެ އެވެ. ޒަކާތުގެ ހައުސްގެ ފަރާތުން މި އެހީތައް ސެންޓަރުތަކާ ހަވާލުކޮށް ދެއްވީ ޒަކާތުގެ ޑިރެކްޓަ ޖެނެރެލް އޮފް ޒަކާތު އިއްޒުއްދީން އަދުނާނެވެ.
މި އަހަރުގެ ފިތުރު ޒަކާތަށް 9 މިލިއަނަށް ވުރެ ގިނަ ރުފިޔާ ލިބިފައިވެ އެވެ.