ރޭ މާލޭގައި އަލިފާނުގެ ހާދިސާއެއް ހިނގި މ. ރަބީއުވިލާ ތަޅާލުމުގެ މަސައްކަތް ކުރިއަށް ގެންދާނެ ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ.
މ. ރަބީއުވިލާގައި ރޭ ރޯވެ އަލިފާނުގެ ހާދިސާއެއް ހިނގާފައިވާއިރު އެ ގެއަކީމީހުން ނޫޅޭ ގެއެއްކަމަށް މައުލޫމާތު ލިބެއެވެ.
މި ހާދިސާއާ ގުޅިގެން މިނިސްޓަރު އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވީ، އަލިފާނުގެ ހާދިސާ ހިނގި ގެއަކީ މީހުން ދިރިނޫޅޭތާ ގިނަދުވަސް ވެފައިވާ، ބޮލަށްވެއްޓޭ ވަރަށް ބާވެފައިވާ ގެއެއް ކަމަށެވެ.
އާދަމް ޝަރީފް ވިދާޅުވީ މަގުމަތީ ހިނގާބިނގާވެ އުޅޭ ފަރާތްތަކަށް ނުރައްކާތެރި ހާދިސާއެއް މެދުވެރިވެދާނެ ކަމަށްޓަކައި ސަރުކާރުގެ ކަމާގުޅުންހުރި ފަރާތްތަކާ ވާހަކަ ދައްކައިގެން އެ އިމާރާތް ތަޅާލުމުގެ މަސައްކަތް ވަރަށް އަވަހަށް ކުރިއަށް ގެންދާނެކަމަށެވެ.
Mirey alifaanuge haadhisaa hingi geakee meehun dhirinoolheythaa gina dhuvas vefaivaa, bolah vettey varah baavefaivaa ge eh. Magumathee hingaabin'gaave ulhey faraaiythakah nurakkaatheri haashisaaeh medhuverivi vedhaane kamattakai sarukaaruge kamaa gulhun huri faraaiythakaa vaahaka…
— Adam Shareef Umar (@Adamshareefz) April 10, 2024
މި ހާދިސާގައި އެ ގޭގެ ހަތަރުވަނަ ފަންގިފިލާ އަލިފާން ރޯވުމުގެ ސަބަބުން ތިންވަނަ ފަންގިފިލައަށް ވަނީ އަލިފާނުގެ އަސަރުކޮށްފައެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައިވާކަމުގެ މައުލޫމާތެއް މިހާތަނަށް ލިބިފައެއް ނުވެއެވެ. އަދި އަލިފާނުގެ ސަބަބުން އިމާރާތަށް ލިބުނު ގެއްލުން ބަލަމުންދާ ކަމަށް އެމްއެންޑީއެފްއިން މައުލޫމާތުދެއެވެ.