އިއްޔެ ފާހަގަކުރި ފިތުރު އީދާ ގުޅުވައިގެން "އީދު ސައި" ހަ ރަށެއްގައި ބާއްވާފައިވާ ކަމަށް ބޭންކް އޮފް މޯލްޑިވްސް ބީއެމްއެލް) އިން ބުނެފި އެވެ.
ގައުމީ ބޭންކުން ބުނީ ރަށްރަށުގެ ކައުންސިލްތަކާއި ބައެއް ޖަމިއްޔާތަކާ ގުޅިގެން އެ ހަރަކާތް ބޭއްވީ ހއ. އުތީމު، ރ. ކިނޮޅަސް، އދ. ދަނގެތި، ތ. ވޭމަންޑޫ، ލ. ގަން އަދި ފުވައްމުލަކުގައި ކަމަށެވެ.
ބީއެމްއެލްގެ ހެޑް އޮފް ޕަބްލިކް ރިލޭޝަންސް މުހައްމަދު ސައީދު ވިދާޅުވީ "އީދު ސައި" އިވެންޓަކީ ކޮންމެ އަހަރަކު ވެސް ކާމިޔާބު އަދި ރަށްރަށުން ވަރަށް ބޮޑަށް ބަލައިގަންނަ އިވެންޓެއް ކަމަށެވެ.
މިއީ އެކަކު އަނެކާއި ބައްދަލުވެ، ހިނިތުންވެލާ، ވާހަކަ ދައްކާލާ އަދި ކެއުމުގެ މަޖަލުގައި މީހުން އެކުވެރިކުރުވާ ކަމެއް ކަމަށާއި، މިއީ ބޭންކަށް އަބަދުވެސް ވަރަށް ހާއްސަ އިވެންޓެއް ކަމަށް އޭނަ ވިދާޅުވި އެެވެ.