ލ. އަތޮޅުގައި ޕިކްނިކް އައިލެންޑެއް ހަދަން ނިންމާފައިވާ ކަމަށް ޓޫރިޒަމް މިނިސްޓަރު އިބްރާހިމް ފައިސަލް މިއަދު ވިދާޅުވެއްޖެ އެވެ.
ރައީސް ޑރ. މުހައްމަދު މުއިއްޒު ލ. އަތޮޅަށް ކުރެއްވި ދަތުރުގެ ތެރެއިން މިއަދު މެންދުރު ފަހު ލ. ގަމުގައި ބޭއްވި ޖަލްސާއެއްގައި މިނިސްޓަރު ވިދާޅުވީ ޕިކްނިކް އައިލޭންޑް ތަރައްގީ ކުރާނީ އާންމުންނާއި ޓޫރިސްޓުންނަށް ވެސް ބޭނުން ކުރެވޭ ގޮތަށް ކަމަށެވެ.
"ލ. އަތޮޅުގައި ވެސް ޕިކްނިކް އައިލެންޑެއް އަޅުގަނޑުމެން ތަރައްގީ ކުރާނަން. އެ އައިލެންޑަކީ މި ތަނުގައި ދިރިއުޅޭ ލ. އަތޮޅުގެ ރައްޔިތުންގެ ބޭނުމަށާއި އަދި މިތަނުގައި ލޯކަލް ޓޫރިޒަމްގެ ގެސްޓް ހައުސްތައް ހިންގާ ފަރާތްތަކަށް ބޭނުންކުރެވޭނެ ގޮތަށް، ހަމަޖެހޭ އުސޫލުތަކުގެ ތެރެއިން ފަހިކޮށްދޭނެ ތަނެއް." އޭނާ ވިދާޅުވި އެވެ.
ފައިސަލް ވިދާޅުވީ އޭނަގެ އުފަން އަތޮޅުގެ ޓޫރިޒަމަށް އިންވެސްޓްކުރަން ބޭނުންވާ ވަރަށް ގިނަ އިންވެސްޓަރުން ވެސް އެބަތިބި ކަމަށާއި އެ ފަރާތްތަކާ ސެކީ ސަރުކާރުން މަޝްވަރާ ކުރަމުން އަންނަ ވެ. އަދި މި ސަރުކާރުގެ ޕްލޭނަކީ މި ފަސް އަހަރު ނިމުމުގެ ކުރިން ލ. އަތޮޅުގައި ވަން އައިލެންޑް ކޮންސެޕްޓްގެ މަދުވެގެން ހަތަރު ރިސޯޓް ތަރައްގީކުރުން ކަމަށް ވިދާޅުވި އެވެ.