ހިތަދޫ ޕޮލިސް ސްޓޭޝަނުން ރޭ ހިންގި ޚާއްސަ އޮޕަރޭޝަނެއްގައި ބަނގުރާ ކެއްކުމަށް ބޭނުން ކުރާ ސާމާނުތަކަކާއި ބަނގުރާ ކަމަށް ޝައްކު ކުރެވޭ އެއްޗެއް ހުރި ހަންތަކެއް ހޯދައި ފުލުހުންގެ ބެލުމުގެ ދަށަށް ގެންގޮސްފި އެވެ.
ހިތަދޫ ޕޮލިސް ސްޓޭޝަނަށް ލިބުނު މަޢުލޫމާތަކާ ގުޅިގެން ރޭ 10:30 އެހާކަށްހާ އިރު ހިންގި މި އޮޕަރޭޝަނުގައި އެ ތަކެތި ފެނިފައި ވަނީ ޗައިނާ އިން ހިތަދޫގައި ފްލެޓްތައް އަޅަން ނިންމާފައިވާ ސަރަޙައްދުގެ ވަލު ތެރެއިންނެވެ.
ފުލުހުން ހޯދި ތަކެތީގެ ތެރޭގައި އުނދުނަކާއި ގޭސް ސިލިންޑަރެއްގެ އިތުރުން 20 ލީޓަރު ހަންތަކެއް ހިމެނެ އެވެ.
މި މައްސަލަ ހިތަދޫ ޕޮލިސް ސްޓޭޝަނުން އަންނަނީ ތަހުޤީޤު ކުރަމުންނެވެ.