އަންނަ އާދީއްތަ ދުވަހު ބާއްވާ ރައްޔިތުންގެ މަޖިލިސް އިންތިހާބުގައި ރާއްޖެއިން ބޭރުގައި ބަހައްޓާ ވޯޓްފޮށިތަކަށް ވެސް ވޯޓްލެވޭ ގަޑި އިލެކްޝަން ކޮމިޝަން (އީސީ) އިން އިތުރުކޮށްފި އެވެ.
އެގޮތުން ވޯޓްފޮށި ބަހައްޓާ އިންޑިއާ އާއި ސްރީ ލަންކާ އަދި މެލޭޝިއާގައި ވޯޓްލާން ދޭ ވަގުތު އިތުރު ދޮޅު ގަޑިއިރު އިތުރު ކުރަން ވަނީ ނިންމައިފަ އެވެ. އެގޮތުން އިންޑިއާ އާއި ލަންކާގައި ވޯޓްލުން ކުރިއަށް ދާނީ ހެނދުނު 8:30 އިން ހަވީރު 6:00 އަށެވެ. އަދި މެލޭޝިއާގައި ވޯޓްލުން ކުރިއަށް ދާނީ ހެނދުނު 11:00 އިން ރޭގަނޑު 8:30 އާ ހަމައަށެވެ.
Iulaan: https://t.co/4QbxgqO6U9 #vihi24 pic.twitter.com/zjYD0CtzJu
— Elections Commission (@ElectionsMv) April 17, 2024
ރާއްޖޭގައި ވޯޓްލުން ކުރިއަށް ގެންދާނީ ހެނދުނު 8:00 އިން ހަވީރު 5:30 އަށެވެ.
ވިހި ވަނަ މަޖިލިސް އިންތިޚާބުގައި 93 ދާއިރާއަކަށް 368 ކެންޑިޑޭޓުން ވާދަކުރެ އެވެ. މި އިންތިހާބުގައި ވޯޓްލުމުގެ ހައްގު 284،663 މީހަކަށް ލިބިގެންވެ އެވެ. އޭގެ ތެރޭގައި ހިމެނެނީ 145،302 ފިރިހެނުންނާއި 139،361 އަންހެނުންނެވެ.