ގދ ތިނަދޫ ދެކުނު ދާއިރާގެ ވޯޓު ފޮއްޓެއް ގުނުމަށް އެދާއިރާއަށް ޕީއެންސީގެ ފަރާތުން ވާދަކުރެއްވި އަބްދުالله ޝަރީފުގެ ފަރާތުން ހުށަހަޅައިފިއެވެ.
ތިނަދޫގައި ހުންނަ ނެޝަނަލް ޔުނިވާރސިޓީ ހޯލް ގައި ބެހެއްޓުނު 05 ނަންބަރު ވޯޓް ފޮށި އަލުން ގުނުމަށް އިލެކްޝަނަށް ހުށަހަޅާފައިވަނީ އަބްދުالله ޝަރީފުގެ މަންދޫބެއް ނެތީސް ވޯޓް ގުނުން ކުރިއަށް ގެންދިޔަ މައްސަލައެއްގައެވެ.
ޝަރީފުގެ ކެމްޕެއިން އޮފިޝަލަކު ވިދާޅުވީ ވޯޓު ގުނުމަށް ވޯޓް ކަރުދާސް ތަރުތީބުކުރި އިރު ފެންނަން ހުރި ވޯޓް ކަރުދާސްތަކާއި ގުނި އިރު އަދަދު ބޮޑުތަނުން ތަފާތު ކަމަށެވެ. އެހެންވެ އަލުން ވޯޓު ގުމަށް އެފަރާތުން ވަނީ އިލެކްޝަނަށް ހުށަހަޅާފައެވެ.
ތިނަދޫ ދެކުނު ދާއިރާގެ ގޮޑި ކާމިޔާބުކޮށްފައިވަނީ އަމިއްލަ ގޮތުން ވާދަ ކުރެއްވި މުހައްމަދު އަލްސަން އަހުމަދުއެވެ. އަލްސަން 870 ވޯޓު ހޯއްދެވި އިރު ޝަރީފުއަށް ލިބިވަޑައިގަތީ 799 ވޯޓެވެ.