މަސްތުވާތަކެތީގެ މައްސަލައެއްގައި އަނެއްކާ ވެސް ވެލާނާ އިންޓަނޭޝަނަލް އެއާޕޯޓް ވީއައިއޭ) ގެ މުވައްޒަފަކު ހައްޔަރުކޮށްފި އެވެ.
ގަވާއިދާ ހިލާފަށް އެ އެއާޕޯޓްގެ އިންޓަނޭޝަނަލް މެސްޓިކް ޓާމިނަލަށް ގެންދިޔަ ދަބަހަކުން ފަސް ކިލޯގެ މަސްތުވާތަކެތި ފެނުނު މައްސަލައެއްގައި ހައްޔަކުރީ އެއާޕޯޓްގައި ޑްރައިވަރެއްގެ ގޮތުގައި މަސައްކަތް ކުރަމުން އައި ހދ. ކުޅުދުއްފުށި، ފެހިއަލި، އަލީ ހުސައިން، 32، އެވެ. އޭނަ ހައްޔަރުކޮށް ބަންދާމެދެ ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން ކަސްޓޯޑިއަލް ޖަލެއްގައި މަސް ދުވަހަށް ބަަންދު ކުރަން މުއްދަތު ޖަހައި ދީފައިވެ އެވެ.
ކޯޓުގައި އޭނާ ބުނެފައި ވަނީ މަސްތުވާތަކެތި ފެނުނު ދަބަހަކީ މީހަކު ބުނެގެން އޭނާ ގެންދިޔަ ދަބަހެއް ކަމަށާއި އޭގައި މަސްތުވާތަކެތި ހުރިކަން ނޭނގޭ ކަމަށެވެ.
ނަމަވެސްދަބަސް ޑޮމެސްޓިކަށް ގެންދިޔަ ދުވަހު އޭނާގެ އަމަލުތައް ހުރީ އެއާޕޯޓުގެ އުސޫލުތަކާ ހިލާފަށް ކަމަށާއި މަސްއޫލިއްޔަތުތަކާ ވެސް ހިލާފަށް ކަން ހެކިތަކުން އެނގޭ ކަމަށް އަމުރުގައި ބުނެފައިވެ އެވެ.