ދިމާވި ޓެކްނިކަލް މައްސަލައަކާ ގުޅިގެން ދިރާގުގެ ބައެއް ހިދުމަތްތަކަށް ބުރޫ އަރައިފިއެވެ.
ދިރާގުން ބުނެފައިވަނީ، ޓެކްނިކަލް މައްސަލައެއް ދިމާވެފައިވާ ކަމަށާއި އެކަމުގެ ސަބަބުން އިންޓަނެޓް ބޭނުން ކުރުމަށް، ރާއްޖޭން ބޭރަށް ގުޅުމަށް އަދި ރާއްޖޭން ބޭރުން ކަސްޓަމަރުން ހޯދާ ބައެއް ހިދުމަތްތައް ހޯދުމުގައި ދަތިތަކެއް ކުރިމަތިވެފައިވާ ކަމަށެވެ.
ދިމާވެފައިވާ ޓެކްނިކަލް މައްސަލަ ހައްލު ކުރުމަށް ބައިނަލްއަގުވާމީ ބައިވެރިންނާ ގުޅިގެން މަސައްކަތް ކުރަމުންދާ ކަމަށްވެސް ދިރާގުން ބުނެފައިވެއެވެ.
📢 Public Announcement
We're currently observing internet traffic instability on international routes due to a technical issue.
Due to this, customers using internet services may experience difficulties with browsing, making international calls and using online services hosted…
— Dhiraagu (@Dhiraagu) April 27, 2024
ދިރާގުން ވަނީ މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް މާފަށް އެދިފައެވެ. މި މައްސަލަ ހައްލުކުރުމަށް ހޭދަވާނީ ކިހާ ވަގުތެއް ކަމެއްވެސް ދިރާގުން ހާމަކޮށްފައެއް ނުވެއެވެ.