މިދިޔަ މަހުން ފެށިގެން ވިޔަފާރިތަކުގެ ކަރަންޓް ބިލަށް ގެނައި "ބޮޑު" ބަދަލާ ގުޅިގެން މި މަހުގެ ނިޔަލަށް ބިލް ދައްކާ ވިޔަފާވެރިން ޖޫރިމަނާ ނުކުރާނެ ކަމަށާއި އެ މުއްދަތުގެ ތެރޭގައި ބިލް ނުދައްކައިގެން ހިދުމަތް ވެސް ކަނޑާ ނުލާނެ ކަމަށް ފެނަކަ ކޯޕަރޭޝަނުން ބުނެފި އެވެ.
އެ ކުންފުނީގެ ނެރުނު އިއުލާނެއްގައި ބުނަނީ ވަނީ މާޗް މަހުގެ ކަރަންޓް ބިލާ ގުޅިގެން މި މަހުގެ 30 ގެ ނިިޔަލަށް ބިލް ދައްކާ ކަސްޓަމަރުން ޖޫރިމަނާ ނުވާނެ" ކަމަށާއި "ބިޒްނަސް ކެޓަގަރީގެ ކަަރަންޓް ބިލް މުއްދަތުގައި ފައިސާ ނުދައްކައިގެން ކަރަންޓް ކަނޑާނުލާނެ ކަމުގައި ދަންނަވާ" ކަމަވެ.
އެކަމަކު މެއި 1، 2015 އިން ފެށިގެން އެހެން ކެޓަރީގެ ކަސްޓަމަރުންނެކޭ އެއްގޮތަށް ބިޒްނަސް ކެޓަގަރީގެ ކަސްޓަމަރުން ވެސް ޖޫރިމަނާވުމާއި މުއްދަތުގައި ފައިސާ ނުދައްކާ ފަރާތްތަކަށް އެ އޮންނަ އުސޫލުގެ ތެރެއިން ނޯޓިސް ފޮނުވުމަށް ފަހު ކަރަންޓް ކަނޑާލެވޭނެ ކަމަށް އިއުލާނުގައިވެ އެވެ.
މާޗް މަހުގެ ކަރަންޓް ބިލް ލިބުނު އިރު، ބިލް ބޮޑުވެގެން ވިޔަފާވެރިން ދަނީ ކަންބޮޑުވުން ފާޅުކޮށް އިހުތިޖާ ވެސް ކުރަމުންނެވެ.
ބައެއް ވިޔަފާވެރިން ބިލާ ހަވާލުވާން ދެކޮޅު ހަދާފައިވާ އިރު، ބިލް ނުދައްކާނެ ކަމުގެ އިންޒާރު ވެސް ބައެއް ވިޔަފާވެރިން ވަނީ ދީފަ އެވެ.
އަދި ބިލަށް ގެނައި ބަދަލު އަނބުރާ ގެންދަން ވެސް ވަނީ ގޮވާލައިފަ އެވެ.