ފޮރިން މިނިސްޓަރު މޫސާ ޒަމީރު ސައުދީ އަރަބިއްޔާއަށް ފުރާވަޑައިގެންފި އެވެ.
މިނިސްޓަރު އިއްޔެ ސައުދީ އަށް ވަޑައިގެންނެވީ އެ ގައުމުގައި ބާއްވާ ސްޕެޝަލް މީޓިން އޮން ކޮލޮބޮރޭޝަން، ގްރޯތު އެންޑް އެނާޖީ ފޯ ޑިވެލޮޕްމަންޓުގައި ބައިވެރިވެ ވަޑައިގަތުމަށެވެ. އެ ކޮންފަރެންސަކީ ސައުދީ އާއި ވޯލްޑް އިކޮނޮމިކް ފޯރަމް ގުޅިގެން ބާއްވާ ކޮންފަރެންސެކެވެ.
މި ކޮންފަރެންސްގައި ދުނިޔެއަށް ދިމާވަމުންދާ ގޮންޖެހުންތަކާ ގުޅޭ ގޮތުން އެކި ގައުމުތަކުން 700 އަށް ވުރެ ގިނަ އޮފިޝަލުން ބައިވެރިވާނެ އެވެ.
ފޮރިން މިނިސްޓްރީން ބުނީ ކޮންފަރެންސްގެ ތެރެއިން ބޭރުގެ ގައުމުތަކުގެ އެކި ފަންތީގެ ވެރިންނާ މިނިސްޓަރު ބައްދަލުކުރައްވައި، ގުޅުން އިތުރަށް ބަދަހި ކުރުމަށް މަޝްވަރާތައް ކުރިއަށް ގެންދަވާނެ ކަމަށެވެ.