ފުލުހަކު މިއަދު ނިޔާވެއްޖެ އެވެ.
މިއަދު ނިޔާވީ ޗީފް އިންސްޕެކްޓަރެއްގެ މަގާމުގައި ހުންނެވި މުހައްމަދު ޒިޔާދެވެ.
އޭނަ ނިޔާވުމާ ގުޅިގެން ފުލުހުން ނެރުނު ތައުޒިޔާގެ މެސެޖްގައި ޒިޔާދުގެ އާއިލާ އަށް ޕޮލިސް ކޮމިޝަނަރު އަލީ ޝުޖާއު އާއި ފުލުހުންގެ ހުރިހާ މުވައްޒަފުންގެ ނަމުގައި ތައުޒިޔާ ކަމަށް ބުނެފައިވެ އެވެ.
ވ. ނަސީމާ މަންޒިލް ޒިޔާދު، 44، ނިޔާވީ ގޭގެ ފާހާނާގައި ހުއްޓައި ކުއްލިއަކަށް ވެއްޓި، ޓްރީޓޮޕް ހޮސްޕިޓަލަށް ގެންގޮސް ފަރުވާ ދެނިކޮށެވެ. މީގެ 27 އަހަރު ކުރިން ފުލުހުންގެ ހިދުމަތާ ގުޅުނު ޒިޔާދު ނިޔާވިއިރު އޭނަ ހުންނެވީ ފުލުހުންގެ ކޮމާންޑު ސެންޓަރުގައި ޑިއުޓީ އޮފިސަރަކަށެވެ. އޭނަ ވަނީ މެރިން ޕޮލިހާއި އެސްއޯ ޑިޕާޓްމަންޓުގައި ވެސް ކުރިން މަސައްކަތް ކޮށްފަ އެވެ.