މީގެ ހަތަރު ކުރިން ގެނެސްދިން "ލަޔަން ކިންގް" ގެ ލައިވް-އެކްޝަން ފިލްމުގެ ޕްރީކްއެލް "މުފާސާ" ގެ ޓްރެއިލާ މިއަދު އާންމުކޮށްފި އެވެ.
މި އަހަރުގެ ޑިސެމްބަރު 20 ގައި ސިނަމާތަކަށް ގެންނަން ނިންމާފައިވާ މި ފިލްމު ޑައިރެކްޓްކުރީ ބެރީ ޖެންކިންސް އެވެ. "މުފާސާ: ދަ ލަޔަން ކިންގް" އަށް ވެސް މަޝްހޫރު ގިނަ ތަރިންތަކެއް އަޑު އަޅައި ދީފައިވެ އެވެ. މީގައި ދައްކުވައި ދޭނީ ކުރީގެ ފިލްމު ހާދިސާތަކުގެ ކުރިން ޖަންގަލީގެ ރަސްގެފާނުގެ ގޮތުގައި ސިފަކުރާ މުފާސާގެ ދިރިއުޅުން ބައްޓަންވަމުން އައި ގޮތެވެ. ފިލްމުގެ ޓްރެއިލާ އިން ފެންނަ ގޮތުގައި ބެލުންތެރިންގެ ޝައުގުވެރިކަން ވަރަށް ބޮޑަށް ހޯދާނެ ފިލްމަކަށް ވާނެ އެވެ.
ދެހާސް ނަވާރައުގައި ގެނެސްދިން "ދަ ލަޔަން ކިންގް" އަކީ ބޮކްސް އޮފީހުގައި 1.663 ބިލިއަން ޑޮލަރުގެ އާމްދަނީއެއް ހޯދި ފިލްމެކެވެ. ޖޮން ފެވަރޯ ޑައިރެކްޓްކުރި ފިލްމު ހަދާފައި ވަނީ 260 މިލިއަން ޑޮލަރުގެ ބަޖޓަކުންނެވެ.
މި ފިލްމަކީ ޑިޒްނީން 1994 ގައި ގެނެސްދިން އެނިމޭޓެޑް ފިލްމު "ލަޔަން ކިންގް" ގެ ރިމޭކެކެވެ.