ދިރާސީ އަހަރު ނިންމާލައި ދަރިވަރުން މިއަދު ބޮޑު ޗުއްޓީ ފަށައިފި އެވެ.
ސްކޫލް ބޮޑު ބަންދަށް ފަހު ދީރާސީ އާ އަހަރުގެ ކިޔެވުން ފެށޭނީ އަންނަ މަހުގެ 26 ގަ އެވެ.
އެޑިއުކޭޝަން މިނިސްޓްރީން ބުނީ މުޅި ރާއްޖޭގައި މި އަހަރު ޕްރީ ސްކޫލުން ފެށިގެން ގްރޭޑް 12 އާ ހަމައަށް 84،200 ދަރިވަރުން ތައުލީމު ހާސިލްކޮށްފައިވާ ކަމަށެވެ. އެގޮތުން ސަރުކާރުގެ 216 ސްކޫލްގައި ކިޔަވައިދިނުމުގައި ދިވެހި 6،516 ޓީޗަރުންނާއި 1،843 ބިދޭސީ ޓީޗަރުން މަސައްކަތްކުރި އެވެ.
އާ ދިރާސީ އަހަރު މެއި 26 ގައި ފަށަން ނިންމާފައިވާ އިރު، 2024-2025 ގެ ދިރާސީ ކަލަންޑަރުގައިވާ ގޮތުން ދިރާސީ އަހަރު މާޗް 6 އަށް ނިމޭނެ އެވެ. އަދި މާޗް 9 އިން އޭޕްރީލް 3 އަށް އެއީ ބޮޑު ޗުއްޓީ އެވެ. އެގޮތުން އަންނަ އަހަރުގެ ބޮޑު ޗުއްޓީ ދިމާވަޖީ ރޯދަ މަހާ އެވެ.