މިއަދު ވެސް ރާއްޖޭގެ ބޮޑު ސަރަހައްދަކަށް ބޯކޮށް ވާރޭ ވެހޭނެ ކަމަށް ލަފާކޮށް ވައިޓް އެލާޓް ނެރެފި އެވެ.
ހއ. އަތޮޅުން ފެށިގެން މ. އަތޮޅާ ހަމައަށް އެލާޓް ނެރެފައި ވަނީ ހަވީރު 4:30 އާ ހަމައަށެވެ. މޫސުމާ ބެހޭ އިދާރާ އިން ބުނީ އެ ވަގުތުގެ ތެރޭގައި ބޯކޮށް ވާރޭ ވެހުމާ އެކީ ގުގުރާނެ ކަމަށެވެ.
މި ދުވަސްވަރަކީ މުޅި ރާއްޖެ އަށް ވެސް ވިއްސާރަ ދުވަސްވަރެކެވެ. އެގޮތުން ބައެއް ހިސާބުތަކަށް ބޯކޮށް ވާރޭ ވެހި، ފެންބޮޑުވެ ގެއްލުންތަކެއް ވެސް ވެފައިވެ އެވެ.
މިއަދު ސްކޫލް ބޮޑު ބަންދު ފެށިފައިވާތީ ޗުއްޓީ އަށް އެކި ރަށްރަށް ކަނޑުމަގުން ދަތުރުކުރާ މީހުން ވަރަށް ބޮޑަށް އިތުރުވާނެތީ ކަމާބެހޭ ފަރާތްތަކުން ވަނީ މޫސުމަށް ބަލައިގެން ދަތުރުތައް ކުރަން އިލްތިމާސް ވެސް ކޮށްފަ އެވެ.