މިއަދު ބޯކޮށް ވާރޭ ވެހުމުގެ ސަބަބުން ށ. ފޯކައިދޫގައި ވެސް ފެންބޮޑުވެ ގެއްލުންތަކެއްވެއްޖެ އެވެ.
އެ ރަށު ކައުންސިލުން ބުނީ މަގުތަކާއި ގޯތިތަކުގައި ފެންބޮޑުވުމުގެ ސަބަބުން ބައެއް ގޭގެ އަށް ފެން ވަދެ، އެކި ވަރުގެ ގެއްލުންތައް ލިބިފައިވާ ކަމަށެވެ. ބައެއް ގެތަކަށް ދޮޅު ފޫޓާއި ދެ ފޫޓާ ދެމެދަށް ފެންބޮޑުވެފައިވެ އެވެ.
ބޯކޮށް ވާރޭ ވެހި ފެންބޮޑުވުމާ ގުޅިގެން ފެން ހިންދުމާއި ވެލި ބަސްތާ ޖެހުމުގެ މަސައްކަތް އާންމުންނާއި ކައުންސިލާއި ފުލުހުން ގުޅިގެންކޮށްފައިވެ އެވެ.
ރާއްޖޭގެ އެކި ހިސާބުތަކަށް މޫސުން ގޯސްވެފައިވާ އިރު، މޫސުމާ ބެހޭ އިދާރާ އިން މިހާރު ވެސް އޮތީ ހއ. އަތޮޅުން ފެށިގެން ލ. އަތޮޅާ ހަމައަށް ވައިޓް އެލާޓް ނެރެފެ އެވެ. އެގޮތުން މިރޭ 10:30 އާ ހަމައަށް އެލާޓް ނެރެފައިވާ އިރު، ބޯކޮށް ވާރޭ ވެހޭނެ ކަމަށް ލަފާކޮށްފައިވެ އެވެ.