ގިނަ އަދަދެއްގެ އަންހެނުންތަކަކާ އިންޑިއާގެ ގާނޫނު ހަދާ މަޖިލީހުގެ މެންބަރަކު ބެހި، ޖިންސީ ފުރައްސާކޮށްފައިވާ ކަމަށް ބުނާ މަންޒަރުތަކެއް ފެންނަ ގިނަ އަދަދެއްގެ ވީޑިއޯތަކެއްގެ މައްސަލަ ފުލުހުން ބަލަން ފަށައިފި އެވެ.
ފުލުހުން ބަލަމުން އަންނަނީ ވެރިކަން ކުރާ ބީޖޭޕީއާ ކޯލިޝަން ހަދާފައިވާ ޕާޓީއެެއް ކަމަށްވާ ޖަނަތާ ޑާލް އަށް ނިސްބަތްވާ ޕްރަޖްވާލް ރެވާނާގެ ވީޑިއޯތަކެއްގެ މަައްސަލަ އެވެ. އޭނަ އަކީ ލޯކް ސަބާގައި ދެކުނު ކަރްނާޓަކާ ސްޓޭޓްގެ ހަސަން ދާއިރާގެ މެމްބަރެވެ.
ރެވެނާ، 33، ގެ ވީޑިއޯތަކެއް ދައުރުވެ، ގިނަ ބައެއްގެ ފާޑުކިޔުންތަކެއް އަމާޒުވެފައިވީ ނަމަވެސް މިކަމާ ގުޅިގެން އޭނަ ސީދާ ވަކި އެއްޗެއް ވިދާޅެއް ނުވެ އެވެ. ނަމަވެސް ރެވާނާގެ އޮފީހުން ބުނީ ދައުރު ކުރަމުންދާ ވީޑިއޯތަކަކީ ހަދާފައިވާ ވީޑިއޯތަކެއް ކަމަށެވެ.
މިކަމާ ބެހޭ ގޮތުން އޭނަގެ ބައްޕަ އަދި ކަރްނާޓަކާގެ ލެޖިސްލޭޓިވް އެސެމްބްލީގެ މެންބަރެއް ކަމަށްވާ އެޗްޑީ ރެވާނާ ވިދާޅުވީ މިއީ އިދިކޮޅު ބަޔަކު އަޑީގައި ތިބެގެން ސިޔާސީ މަންފާ ހޯދަން އޭނަގެ ދަރިފުޅާ ދެކޮޅަށް ކޮށްފައިވާ ކަމެއް ކަމަށެވެ.
ރެވާނާ ލޯކް ސަބާ އަށް އިންތިހާބުވީ 2019 ގަ އެވެ.