އިންޑިއާގެ ބަތަލާ އީޝާ ގުޕްތާ ސްޕެއިންގައި ރެސްޓޯރަންޓެއް ހުޅުވާލައިފި އެވެ.
އެންމެ މަތީ ފަންތީގައި ހިދުމަތް ފޯރުކޮށްދެވޭ ގޮތަށް އަދި މި ޒަމާނުގެ ލައިފްސްޓައިލާ އެއްގޮތަށް ހިދުމަތްތައް ބައްޓަންކޮށްފައިވާ ރެސްޓޯރަންޓްގެ ނަމަކީ "ކާސާ ސެލާސެސް" އެވެ. އެތަން ހުޅުވާފައި ވަނީ ސްޕެއިންގެ އެންމެ މަޝްހޫރު ސިޓީތަކުގެ ތެރޭގައި ހިމެނޭ ވެރިރަށް މެޑްރިޑްގަ އެވެ.
ރެސްޓޯރަންޓްގެ ވިޔަފާރި އަށް އިންވެސްޓްކޮށް، އަމިއްލަ ފުރަތަމަ ރެސްޓޯރަންޓް ސްޕެއިންގައި ހުޅުވި އިރު، އެ ގައުމުގެ ވިޔަފާވެރިއަކާ އީޝާ ރައްޓެހިވެގެން އުޅޭތާ މިހާރު ހައެއްކަ އަހަރު ވެދާނެ އެވެ. އާ ވިޔަފާރިއާ ބެހޭ ގޮތުން އީޝާ ބުނީ މިއީ ކެރިއަރުގެ މުޅިން ފެށުމެއް ކަމަށާއި އެންމެ އުފާވާ ކަމަކީ މުޅި ދުނިޔޭގައި ވެސް މަޝްހޫރު މެޑްރިޑްގައި ރެސްޓޯރަންޓެއް ހުޅުވުން ކަަމަށެވެ.
"އަމާޒަކީ ކާސާ ސެލާސެސްގެ ވިޔަފާރި މުޅި ދުނިޔެ އަށް ފުޅާކުރުން." އޭނަ ބުންޏެވެ.
އީޝާ ބުނި ގޮތުގައި އޭނަގެ މިވިޔަފާރި އިތުރަށް ތަރައްގީކޮށް، ފުޅާކުރަން މިހާރު އަންނަނީ ދުނިޔޭގެ މަޝްހޫރު ހޮސްޕިޓާލިޓީ ކުންފުންޏެއް ކަމަށްވާ މޭބެލް ހޮސްޕިޓާލިޓީ ގްރޫޕާ ޕާޓްޝިޕެއް ހަދަން ތައްޔާރުވަމުންނެވެ. އެގޮތުން އުންމީދަކީ "ކާސާ ސެލާސެސް" ގެ ދެވަނަ އައުޓްލެޓް އިންޑިއާގައި ހުޅުވުން ކަމަށް ބުންޏެވެ.
މިހާރު އުމުރުން 38 އަހަރުގެ އިޝާ ބޮލީވުޑަށް ނުކުތީ 2012 ގެ "ޖަންނަތު 2" އިންނެވެ. އޭނަ ކުޅުނު ފާހަގަކޮށްލެވޭ ފިލްމުތަކުގެ ތެރޭގައި "ރާޒް 3ޑީ"، "ގޯރީ ތޭރޭ ޕިޔާރު މޭ"، "ރުސްތުމް"، "ބާދުޝާހޯ" އަދި "ޓޯޓަލް ދަމާލް" ހިމެނެ އެވެ. އީޝާގެ ކުރިއަށް ހުރި ފިލްމުތަކުގެ ތެރޭގައި "މާޑާ 4"، "ދޭސީ މެޖިކް" އަދި "ހީރާ ޕޭރީ 3" ހިމެނެ އެވެ.