ބޮޑެތި ކުށްތަކަށް އަރައިގަތުމަށް ހިތްވަރު ލިބޭގޮތަށް ހިންގަމުންދިޔަ ޓެލެގްރާމް ޗެނަލެއް ހުއްޓުވައިފިއެވެ.
ފުލުހުން ބުނެފައިވަނީ "އެމްވީ ކޯލް ގާލް"ގެ ނަމުގައި ހިންގަމުންދިޔަ ޓެލެގްރާމް ޗެނަލް ހުއްޓުވާފައިވާ ކަމަށެވެ. މި ޓެލެގްރާމް ޗެނަލްއަކީ ބޮޑެތި ކުށްތަކަށް އަރައިގަތުމަށް ހިތްވަރު ލިބޭގޮތަށް ހިންގަމުންދިޔަ ޗެނަލެއް ކަމަށްވެސް ފުލުހުން މައުލޫމާތު ދީފައިވެއެވެ.
ފުލުހުން ބުނެފައިވަނީ މި މައްސަލަ އެ އިދާރާއިން ތަހުގީގު ކުރަމުން ގެންދާ ކަމަށެވެ.
މާޗް މަހުގެ ތެރޭގައިވެސް ފުލުހުން ވަނީ ބޮޑެތި ކުށްތަކަށް އަރައިގަތުމަށް ބޭނުން ކުރަމުންދިޔަ ޓެލެގްރާމް ޗެނަލްތަކެއް ހުއްޓުވާފައެވެ. އެއީ "ޖަޒީރާ އެޑްމިން"، "ޖަޒީރާ ގާލްސް"، "ޖަޒީރާ އެސްކޯޓް ގެލަރީ"، "ޖަޒީރާ ސްކޭމް އެލާޓް" އަދި "ޖަޒީރާ ލިންކް ޚަބަރު" ގެ ނަމުގައި މިދިޔަ އަހަރު އެޕްރީލް މަހުން ފެށިގެން ހިންގަމުން ދިޔަ ގްރޫޕްތަކެކެވެ.