މަސައްކަތްތެރިންގެ ހައްޤުތައް ކަށަވަރު ކޮށްދިނުމުގައި އެމްޑީޕީ ދެމިތިބޭނެ ކަމަށް ކުރީގެ ރައީސް އިބްރާހިމް މުހައްމަދު ސޯލިހް ވިދާޅުވެއްޖެއެވެ.
ބައިނަލްއަޤްވާމީ މަސައްކަތްތެރީންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ކުރީގެ ރައީސް ސޯލިހް ވިދާޅުވީ މަސައްކަތްތެރިންގެ ހައްޤުތައް ކަށަވަރު ކުރުމަށް ކުރެވުނު މަސައްކަތްތަކާ މެދު އެމްޑީޕީ ފަހުރުވެރިވާކަމަށެވެ. އެ މަސައްކަތްތަކުގެ ތެރެއިން މިނިމަމް ވޭޖް ތައާރަފް ކުރެވުނުކަން ސޯލިހް ފާހަގަ ކުރެއްވިއެވެ.
މީގެއިތުރުން ސޯލިހް ވިދާޅުވީ ކުރިއެކޭ އެއްގޮތަށް މަސައްކަތްތެރިންގެ ހައްޤުތައް ކަށަވަރު ކޮށްދިނުމުގައި އެމްޑީޕީ ދެމި އޮންނާނެ ކަމަށެވެ.
#MayDay2024 wishes and greetings to workers across Maldives. @MDPSecretariat is proud to have led the nationwide fight to secure workers rights in the Maldives having passed, amongst other protections, legislation to ensure a minimum wage for all.
This May Day, I give my…
— Ibrahim Mohamed Solih (@ibusolih) May 1, 2024
ކޮންމެ އަހަރެއްގެވެސް މޭ މަހުގެ 1 ވަނަ ދުވަސް ފާހަގަ ކުރަމުން އަންނަނީ ބައިނަލްއަޤްވާމީ މަސައްކަތްތެރީންގެ ދުވަހުގެ ގޮތުގައެވެ.
ރާއްޖޭގައި ރަސްމީގޮތެއްގައި މަސައްކަތްތެރިންގެ ދުވަސް ފާހަގަކުރަން ފެށީ ކުރީގެ ރައީސް މުހައްމަދު ނަޝީދުގެ ވެރިކަމުގައި 2011 ވަނަ އަހަރުއެވެ.