އަޔޫޝްމަން ކްރާނާއާ އެކީ ފިލްމެއް ކުޅުމަށް ފަހު ބަތަލާ ވާނީ ކަޕޫރްގެ އޭނަގެ ކޮއްކޮ އަޕަރްޝަކްރީ ކްރާނާއާ އެކީ ވެސް ފިލްމެއްގެ މަސައްކަތް ފަށައިފި އެވެ.
މީގެ ހަފުތާއެއްހާ ދުވަސް ކުރިން ޝޫޓިން ފެށި މި ފިލްމަކީ ވިކީ އާއީ ނިކީ ބަގްނާނީ ޕްރޮޑިއުސްކުރާ "ބައްތަމިޒް ގިލް" އެވެ. މީގައި އަޕަރްޝަކްތީ ކުޅެނީ ވާނީގެ ބޭބެއެއްގެ ރޯލެވެ. އަދި އެ މީހުންގެ ބައްޕަގެ ރޯލު ފިލްމުގައި ކުޅެނީ ޕަރޭޝް ރާވަލެވެ.
"ބައްތަމީޒް ގިލް" ގެ މަންޒަތުތައް އިންޑިއާގެ އިތުރުން ލަންޑަންގައި ވެސް ނަގަން ހަމަޖެހިފައިވާ އިރު، މީގެ ޑައިރެކްޓަރަކީ 2020 ގެ ރޮމޭންޓިކް ކޮމެޑީ "ޖޭ މަންމީ ދީ" ގެނެސްދިން ނަވްޖޯތު ގުލާޓީ އެވެ. އޭނަ މިހާރު އަންނަނީ "ޕޫޖާ މޭރީ ޖާން" ކިޔާ ފިލްމެއް ވެސް ބެލުންތެރިންނަށް ދޫކޮށްލަން ތައްޔާރުވަމުންނެވެ.
އަޕަރްޝަކްތީއާ އެކީ ވާނީ ފިލްމެއްގެ މަސައްކަތް ފެށި އިރު، އޭނަގެ ބޭބެ އަޔޫޝްމަނާއި ވާނީ އެކީގައި ކުޅުނު ފިލްމަކީ 2021 ގެ ރޮމޭންޓިކް ޑްރާމާ "ޗަންދީގަޅް ކަރޭ އާޝިގީ" އެވެ. ބެލުންތެރިންގެ ފުދޭ ވަރެއްގެ ތަރުހީބެއް ލިބުނު ފިލްމުގައި ވާނީ ކުޅުނީ އަންހެނަކަށްވާން ޖިންސު ބަދަލުކޮށްފައިވާ މީހެއްގެ ރޯލެވެ.
އަބީޝެކް ކަޕޫރް ޑައިރެކްޓްކުރި ފިލްމުގައި އަޔޫޝްމަން ކުޅުނީ ނޭނގި ޓްރާންސްޖެންޑާ އަންހެނަކާ ހިތާވެވި، އޭގެ ސަބަބުން ލަދުވެތި ކަންތައްތަކާ ކުރިމަތިލާން ޖެހޭ މީހެއްގެ ރޯލެވެ.
ވާނީގެ ކުރިއަށް ހުރި ފިލްމުތަކުގެ ތެރޭގައި ސެޕްޓެމްބަރުގައި ގެނެސްދޭން ހަމަޖެހިފައިވާ އަކްޝޭ ކުމާރުގެ "ކޭލް ކޭލް މޭ" އާއި މި އަހަރުގެ ޑިސެންބަރަށް ތާވަލުކޮށްފައިވާ އަޖޭ ދޭވްގަންގެ "ރެއިޑް 2" ހިމެނެ އެވެ.