މަޝްހޫރު ކަންނާޑާ އެކްޓަރު ޔާޝްގެ "ޓޮކްސިކް" އިން ކަރީނާ ކަޕޫރަށް ހުށަހެޅި ރޯލު އޭނަ ދޫކޮށްލާފައިވާ ކަމަށް ރިޕޯޓައް ބުނެފި އެވެ.
މީޑިއާތަކުން ދާދި ފަހުން ބުނި ގޮތުގައި އެ ފިލްމުން ބޮލީވުޑްގެ މަޝްހޫރު ބަތަލާ އަށް ހުށަހެޅީ ޔާޝްގެ ދައްތަގެ ރޯލެވެ. އަދި އެއީ "ޓޮކްސިކް" ގެ ވަރަށް ވަރުގަދަ ރޯލެކެވެ. ނަމަވެސް ރިޕޯޓްތައް ބުނާ ގޮތުން ތާރީހުގެ ތާށިކަމާ ހުރެ، ފިލްމަށް ވަގުތު ދެވެން ނެތް ކަމަށް ބުނެ ކަރީނާ މިހާރު ވަނީ ފިލްމު ދޫކޮށްލައިފަ އެވެ. އެކްޓަރު ސައިފް އަލީ ޚާންގެ އެންމެ ފަހުގެ ފިލްމަކީ މާޗްގައި ރިލީޒްކުރި "ކްރޫ" އެވެ.
ކަރީނާ ފިލްމު ދޫކޮށްލުމާ ގުޅިގެންވެ ގީތޫ މޯހަންދާސް ޑައިރެކްޓްކުރާ ފިލްމުގެ ޓީމުން މިހާރު ދެކުނުގެ މަޝްހޫރު ބަތަލާ ނަޔަންތަރާ ފިލްމަށް ގެންނަން މަސައްކަތް ކުރަމުން އަންނަ ކަމަށް ރިޕޯޓްތައް ބުނެ އެވެ. އޭނަ އަކީ މިދިޔަ އަހަރު ރިލީޒްކުރި ޝާހްރުކް ޚާންގެ "ޖަވާން" ގެ ބަތަލާ އެވެ.
#Toxic Director #GeethuMohandas is in talks with the Lady Superstar #Nayanthara, to play the part of #Yash’s sister in the film, which was earlier offered to #KareenaKapoorKhan.
After #KareenaKapoor exit from the project over date issues, Geethu Mohandas and Yash had multiple… pic.twitter.com/lo0C3Xzdq3
— Ashwani kumar (@BorntobeAshwani) May 3, 2024
ކަރީނާ "ޓޮކްސިކް" ދޫކޮށްލި އިރު، މީގެ ލީޑް ބަތަލާ އަކީ ބޮލީވުޑްގެ އިތުރުން ދެކުނުގެ ފިލްމުތަކުން ވެސް ފުރުސަތުތައް ލިބެމުން އަންނަ ބޮލީވުޑްގެ ބަތަލާ ކިއާރާ އަދުވާނީ ކަމަށް މީޑިއާތަކުން ބުނެ އެވެ. ނަމަވެސް އެކަން އަދި ކަށަވަރެއް ނުވެ އެވެ. އަޑު އަރާފައިވާ ގޮތުން މީގެ ހާއްސަ ފެނިލުމެއްގައި ހިއްސާވާން އެދި ޝާހްރުކަށް ވެސް ވަނީ ހުށަހަޅައިފަ އެވެ.
މިދިޔަ އަހަރުގެ ޑިސެމްބަރުގައި އިއުލާންކުރި "ޓޮކްސިކް" ސިނަމާތަކަށް ގެންނާނީ އަންނަ އަހަރުގެ އެޕްރީލް 10 ގަ އެވެ.
މީގެ ބަތަލު ޔާޝް އަކީ "ކޭޖީއެފް: ޗެޕްޓާ" އިން ވިދި އެކްޓަރެވެ.