މާޗްގައި ރިލީޒްކޮށް، ބޮކްސް އޮފީހުގައި ބޮޑު ކާމިޔާބީއެއް ހޯދި އަޖޭ ދޭވްގަންގެ ސުޕަނެޗްރަލް ތުރިލާ "ޝަިއތާން" މިއަދު ނެޓްފްލިކްސް އިން ޕްރީމިއާކޮށްފި އެވެ.
މި ފިލްމު އެ ޕްލެޓްފޯމަށް ދޫކޮށްލިކަން އިއުލާންކުރީ އަޖޭ އާއި ފިލްމުގެ ސިހުރުވެރިއެއްގެ ރޯލު ކުޅުނު އާރް މާދްވަންއާ އެކީ ގެނެސްދިން ޕްރޮމޯއަކުންނެވެ. މާޗް 8 ގައި ސިނަމާތަކުގައި އެޅުވި "ޝައިތާން" އަކީ "ކްއީން" އާއި "ސުޕަ 30" ފަދަ ކާމިޔާބު ފިލްމުތައް ގެނެސްދިން ވިކާސް ބާލްގެ ފިލްމެކެވެ.
މީގެ ކާސްޓްގައި ދެކުނުގެ މަޝްހޫރު ބަތަލާ ޖޯތިކާ ވެސް ހިމެނެ އެވެ. "ޝައިތާން" ގައި އޭނަ ކުޅުނީ އަޖޭގެ އަންހެނުންނެވެ. މި ފިލްމުގައި ކިޔައި ދީފައި ވަނީ ސިހުރު ހާހޫރައިގެ ސަބަބުން އާއިލާއެއްގެ ހަމަޖެހުން ގެއްލި، ކުރިމަތިލާން ޖެހޭ ބޮޑެތި ތުރާތަކެވެ.
ޖުމްލަ 65 ކްރޯޑް (8 މިލިއަން ޑޮލަރު) ގެ ބަޖެޓަކުން ހެދި "ޝައިތާން" އަށް ބޮކްސް އޮފީހުގައި 211.06 ކްރޯޑް ރުޕީސް (25.3 މިލިއަން ޑޮލަރު) ގެ އާމްދަނީއެއް ލިބުނެވެ.
މި ފިލްމަށް ފަހު މިދިޔަ މަހު އަޖޭގެ ކުޅިވަރު ފިލްމު "މައިދާން" ވެސް ސިނަމާތަކަށް އަ އެވެ. އެކަމަކު މިއަށް ލިބުނީ ވަރަށް ފިނި ތަރުހީބެކެވެ.