ކަލާސް ޓީވީ އަށް މުޅިން އާ ކޮމެޑީ ޝޯއެއް ގެނެސްދޭން ނިންމައި އޭގެ ޕްރޮމޯ ވެސް ދައްކަން ފަށައިފި އެވެ.
ގެނެސްދޭން ފަށާނެ އިރެއް އަދި އިއުލާން ނުކުރާ މި ޝޯގެ ނަމަކީ "ލާފްޓާ ޝެފްސް" އެވެ. ޝޯގެ ނަމާއި މީގެ ފުރަތަމަ ޕްރޮމޯއާ ބަލާ އިރު، މިއީ ކެއްކުމާ ގުޅުން ހުރި މަޖާ ކަންކަން ދައްކުވައި ދޭނެ ޝޯއެކެވެ.
"ލާފްޓާ ޝެފްސް" ގެ ބައިވެރިންގެ ތެރޭގައި މަޝްހޫރު ކޮމީޑިއަން ކްރުޝްނާ އަބީޝެކާއި އޭނަގެ އަންހެނުން ކަޝްމީރާ ޝާހާއި ބާރްތީ ސިންގް އާއި ސުނިލް ލެހިރީގެ އިތުރުން މަޝްހޫރު ޓީވީ އެކްޓަރުން ކަމަށްވާ ކަރަން ކުންދުރާގެ އިތުރުން އަރުޖުން ބިޖިލާނީ ހިމެނެ އެވެ.
ކްރުޝްނާ ކަލާސްގެ ކޮމެޑީ ޝޯއަކާ މި ގުޅުނީ ނެޓްފްލިކްސް އިން "ދަ ގްރޭޓް އިންޑިއަން ކަޕިލް ޝަރުމާ ޝޯ" ގެ ފުރަތަމަ ސީޒަން ނިމުމަކަށް އައުމާ އެކީގަ އެވެ. އެ ޝޯގައި ކަޕިލްއާ އެކީ ކުރިން ސޮނީ ޓީވިން ގެނެސްދިން "ދަ ކަޕިލް ޝަރުމާ ޝޯ" ގެ މުހިއްމު ބައެއް ބައިވެރިން ހިމެނުނެވެ.
ސޮނީން މިހާރު މުޅިން އާ ކޮމެޑީ ޝޯއެއް ގެނެސްދެމުންނެވެ. އެއީ "މޭޑެންސް މަޗާއޭގޭ" އެވެ.