ބޯކޮށް ވާރޭ ވެހޭނެ ކަމަށް ލަފާކޮށް ލ. އަތޮޅުން ފެށިގެން އައްޑުއާ ހަމައަށް ވައިޓް އެލާޓް ނެރެފި އެވެ.
މޫސުމޭ ބެހޭ އިދާރާ އިން އެ އެލާޓް ނެރެފައި ވަނީ މެންދުރު ފަހު 3:45 އާ ހަމައަށެވެ. އެ ވަގުތުގެ ތެރޭގައި ބޯކޮށް ވާރޭ ވެހި ގުގުރާނެ ކަމަށް ލަފާކޮށްފައިވެ އެވެ.
މި ދުވަސްވަރަކީ ރާއްޖޭގެ އެކި ހިސާބުތަކަށް ވިއްސާރަ ދުވަސްވަރެކެވެ. އެގޮތުން އުތުރާއި ދެކުނަށް ވެސް ފާއިތުވި ހަފުތާގެ ތެރޭގައި ބޯކޮށް ވާރޭ ވެހި، ފެންބޮޑުވެ ގެއްލުންތަކެއް ވެސް ވެފައިވެ އެވެ. އެގޮތުން ރާއްޖޭގެ އެންމެ ދެކުނުން އައްޑު އަށް ކުރި ވިއްސާރައިގައި ފޭދޫގައި ފެންބޮޑުވެ، ގެތަކަށް ފެން ވަދެ، އެކި ވަރުގެ ގެއްލުންތައް ލިބިފައިވެ އެވެ.