ޗައިނާގެ ރައީސް ޝީ ޖިންޕިން ޔޫރަޕްގެ ގައުމުތަކަށް މިއަދު ރަސްމީ ދަތުރެއް ފައްޓަވައިފި އެވެ.
އެ ގައުމުގެ ފޮރިން މިނިސްޓްރީން ބުނީ މިއީ މިއަދުން ފެށިގެން މި މަހުގެ 10 އާ ހަމައަށް ކުރައްވާ ދަތުރެއް ކަމަށެވެ. މި ދަތުރުގެ އެންމެ ފުރަތަމަ މަންޒިލެއްގެ ގޮތުން މިއަދު ޝީ ވަޑައިގެންގަންނަވާނީ ފްރާންސަށެވެ. މި ދަތުރުގައި އެ ގައުމުގެ ރައީސް އެމަނުއެލް މެކްރޯންއާ ބައްދަލު ކުރައްވައި އެކި ދާއިރާތަކުން ދެ ގައުމުގެ ގުޅުން ބަދަހި ކުރުމާ ގުޅޭ ގޮތުން މަޝްވަރާ ކުރާނެ އެވެ.
މެކްރޯން ވެސް މިދިޔަ މަހުގެ ތެރޭގައި ޗައިނާ އަށް ރަސްމީ ދަތުރެއްގައި ވަޑައިގަތެވެ.
ފަސް އަހަރު ފަހުން ޝީ ޔޫރަޕަށް ފެއްޓެވި ދަތުރުގައި ވަޑައިގަންނަވަން ހަމަޖެހިފައިވާ ގައުމުތަކުގެ ތެރޭގައި ފްރާންސްގެ އިތުރުން ބެލްޖިއަމް، ހަންގޭރީ އަދި ސާބިއާ ހިމެނެ އެވެ.
ޗައިނާފެ ފޮރިން މިނިސްޓްރީން ބުނީ ރައީސްގެ މި ދަތުރަކީ އެ ގައުމުތަކުގެ ވެރިންގެ ދައުވަތަށް ކުރައްވާ ދަތުރުތަކެއް ކަމަށާއި ކޮންމެ ގައުމަކާ އެކީ ވެސް ގުޅުން ބަދަހިކުރުމާ ގުޅޭ ގޮތުން މަޝްވަރާތައް ކުރިއަށް ދާނެ ކަމަށެވެ. ފޮރިން މިނިސްޓްރީގެ ތަރުޖަމާނު ލިއަން ޖިއަން ވިދާޅުވީ ޝީގެ ޔޫރަޕްގެ ދަތުރުގެ ސަބަބުން ބައިނަލްއަގުވާވީ ސުލްހަ މަސަލަސް ކަމަށް ކުރެވޭ މަސައްކަތްތަތަކަށް ވެސް ކުރިއެރުންތަކެއް އަންނާނެ އެވެ.