އައްޑޫގެ ފުލުހުންގެ އިސްވެރިންނާއި އިނގިރޭސިވިލާތުގެ ކޮންސަލްޓަންޓުންތަކަކާ އެކީ މަޝްވަރާތަކެއް ބާއްވައިފި އެވެ.
މިއީ އަވައްޓެރި ފުލުހުންގެ ހިދުމަތާއި އިމަޖެންސީ ރެސްޕޮންސް ޕްރޮޖެކްޓާ ގުޅޭ ގޮތުން ބޭއްވި މަޝްވަރާއެއް ކަމަށް ފުލުހުން ބުންޏެވެ. ނަމަވެސް މަޝްވަރާތަކާ ގުޅޭ އިތުރު ތަފުސީލުތަކެއް ފުލުހުން އަދި ހާމައެއް ނުކުރެ އެވެ.
އިނގިރޭސި ކޮންސަލްޓަންޓުންނާ އެކީ ބޭއްވި ބައްދަލުވުމުގައި އިސްކޮށް ހުންނެވީ އައްޑޫގެ ޕޮލިސް ކޮމާންޑަރު ސުޕްރިންޑެންޓް އޮފް ޕޮލިސް މުހައްމަދު މައްސޫދެވެ.
ރަައްޔިތުންނާ ވީހާ ވެސް ގާތުން ހިދުމަތް ދޭން ތައާރަފުކުރި އަވައްޓެރި ފުލުހުންގެ ހިދުމަތް އައްޑޫގައި ދެމުން އަންނަނީ 2019 އިން ފެށިގެންނެވެ. އަދި އައްޑު އަކީ އަތޮޅުތެރެއިން އެ ހިދުމަތް އެންމެ ފުރަތަމަ ފެށި ސަރަހައްދު ވެސް މެ އެވެ.