ނެޓްފްލިކްސްގައި މިހާރު ރަސްކަން ކުރަމުން އަންނަ ޑައިރެކްޓަރު ސަންޖޭ ލީލާ ބަންސާލީގެ ވެބް ސީރީޒް "ހީރާމަންޑީ" ގައި ވަރުގަދަ ރޯލެއް ކުޅެފައިވާ އެކްޓަރު ޝޭކަރް ސުމަން އިންޑިއާގެ ވެރިކަން ކުރާ ޕާޓީ، ބީޖޭޕީ އަށް ސޮއިކޮށްފި އެވެ.
އޭނަ އެ ޕާޓީ އަށް ސޮއިކުރި އިރު، މިދިޔަ މަހުގެ 19 އިން ފެށިގެން ގާނޫނު ހަދާ މަޖިލީހުގެ ތިރިގެ، ލޯކް ސަބާގެ އިންތިހާބު ދަނީ ކުރިއަށެވެ.
މި އިންތިހާބުގައި ޝޭކަރްގެ ދަރިފުޅު އަދި "ހީރާމަންޑީ" ގައި ވެސް ރޯލެއް ކުޅެފައިވާ އެކްޓަރު އަދިޔަޔަން ސުމަންގެ ކުރީގެ ލޯބިވެރިޔާ މަޝްހޫރު ބަތަލާ ކަންގަނާ ރަނާވަތު އަންނަނީ ބީޖޭޕީގެ ޓިކެޓްގައި ހިމާޗަލް ޕްރަދޭޝްގެ މަންޑީ ދާއިރާގެ ގޮނޑި އަށް ވާދަކުރަމުންނެވެ.
#WATCH | Delhi: After joining the BJP, actor Shekhar Suman says, "Till yesterday I did not know that I would be sitting here today because many things in life happen knowingly or unknowingly. I have come here with a very positive thinking and I would like to thank God that he… pic.twitter.com/miEayQxKP2
— ANI (@ANI) May 7, 2024
ކަންގަނާ އާއި އަދިޔަން އެކީގައި 2009 ގެ "ރާޒް" މިސްޓްރީ ކޮންޓިނިއުސް" ގައި ވެސް މަސައްކަތްކޮށްފައިވެ އެވެ.
"ހީރާމަންޑީ" ގައި ޝޭކަރް ކުޅުނު ޒުލްފިކާރުގެ ކެރެކްޓާ ގިނަ ބަޔަކަށް ކަމުގޮސްފައިވާ އިރު، އޭނަ އަކީ މަޝްހޫރު އެކްޓަރު އަނިލް ކަޕޫރް ގޮތަށް ޒުވާން ކަމަށް ބަދަލެއް ނާންނަ އެކްޓަރެއްގެ ގޮތުގައި ފާހަގަކުރެވޭ ތަރިއެކެވެ. މިހާރު ވެސް ފިޓްކޮށް ހުންނަ އަދި ވަރަށް ސްޓައިލިޝްކޮށް އުޅޭ ޝޭކަރް އަށް މިހާރު 61 އަހަރެވެ.
އޭނަ ބީޖޭޕީއާ ގުޅި އަލުން ސިޔާސީ މަސައްކަތްތަކުގެ ތެރެއަށް ނުކުތް ކުރިން ކޮންގްރެސް ޕާޓީގައި ވެސް ކުރިން އުޅުނެވެ. އެގޮތުން އެ ޕާޓީގެ ޓިކެޓްގައި 2009 ގެ ލޯކް ސަބާ އިންތިހާބުގައި ބިހާރުގެ ޕަޓްނާ ސާހިބް ދާއިރާގެ ގޮނޑި އަށް ވާދަކުރި އެވެ. އެ ފަހަރު ޝޭކަރު ތިނެކަށް ދިޔަ އިރު، ގޮނޑި ކާމިޔާބުކުރީ "ހީރާމަންޑީ" ގެ ބަތަލާއިންގެ ތެރޭގައި ހިމެނޭ ސޮނާކްޝީ ސިންހާގެ ބައްޕަ އަދި ކުރީގެ މަޝްހޫރު ފިލްމީ ތަރި ޝަތުރުގަން ސިންހާ އެވެ.
ޝޭކަރް މިހާތަނަށް ވަރަށް ގިނަ ފިލްމުތަކާއީ ޓީވީ އުފެއްދުންތަކުގައި މަސައްކަތްކޮށްފައިވެ އެވެ.