މީގެ ހަތަރު އަހަރެއްހާ ދުވަސް ކުރިން މުޅި ދުނިޔެ ކުރިމަތިލާން ޖެހުނު ކޮވިޑް-19 ގެ ބަލިން ސަލާމަތްކޮށް ދޭން އެންމެ ފުރަތަމަ ބޭނުން ކުރަން ފެށި، ވެކްސިންތަކުގެ ތެރޭގައި ހިމެނޭ އެސްޓްރަޒެނެކާ ވެކްސިންގެ ވިޔަފާރިި ހުއްޓާލަން ނިންމައިފި އެވެ.
މިކަމާ ގުޅޭ ގޮތުން އެސްޓްރަޒެނެކާ އިން ބުނީ މާކެޓްގައި ހުރި މިހާރު ވެކްސިންތައް ވެސް ނަގަން ފަށާފައިވާ ކަމަށެވެ. އެ ކުންފުނި ބުނީ އެސްޓްރަޒެނެކާ ވެކްސިިންގެ ވިޔަފާރި ހުއްްޓައިލަން ނިންމި މައިގަނޑި ސަބަބަކީ މިހާރު ކޮވިޑްގެ އެކި ވޭރިއަންޓްތަކަށް ފަހުގެ އެތައް ވެކްސިނެއް ލިބެން ހުރުން ކަމަށެވެ.
މި ވެކްސިންގެ ވޮިޔަރާރި ހުއްޓާލަން ނިންމި އިރު، މީގެ ސަބަބުން ލޭގަނޑުވުމުގެ މައްސަލަ ދިމާވިކަމުގެ ވާހަކަތަކެއް މީގެ ހަމި ފަހުން ވަރަށް ބޮޑަށް ދެކެވިފައިވެ އެވެ. އެސްޓްރަޒެނެކާ ވެކްސިނަކީ އޮކްސްފޯޑް ޔުނިވަސިޓީއާ ގުޅިގެން އުފެއްދި ވެކްސިނެކެވެ. މިއީ ފަހުގެ ތާރީހެއްގައި އެންމެ އަވަހަށް އުފެއްދުމުގެ މަރުހަލާ ނިންމައި، އެ ބޭނުބް ކުރަން ކުރަން ހުއްދަ ލިބުނު އެއް ވެކްސިނެވެ.
މުޅި ދުނިޔެ ކޮވިޑްގައި ބަލިވަމުން ދިޔަ އިރު، އެކަމަށް އަވަސް ހައްލެއް ހޯދަން ފެށި މަސައްކަތުގެ ތެރެއިން އެސްޓްރަޒެނެކާ ގެނެސްދިން ވަރަށް އުންމީދީ ނަތީޖާއެކެޗެ. މިއީ އެންމެ 10 މަހުގެ މަސައްކަތުގެ ނަތީޖާ އެވެ. އާންމުކޮށް ވެކްސިނެއްގެ ހުރިހާ މަރުހަލާއެއް ނިންމައި، އެ ބޭނުން ކުރަން ފެށުމާ ހަމައަސް މަދުވެގެން 10 ވަރަކަށް އަހަރު ނަގަ އެވެ.
އެސްޓްރަޒެނެކާ ވެކްސިންގެ ވިޔަފާރި ހުއްޓާލަން ނިންމި އިރި، އެ ވެކްސިންގެ ތިން ބިލިއަނަށް ވުރެ ގިނަ ޑޯޒް މިހާތަނަށް ބޭނުންކޮށްފައިވެ އެވެ.