ރާއްޖޭގައި މިހާތަނަށް ހިންގާ އެންމެ ބޮޑު އިސްލާމީ ވަޤުފު މަޝްރޫއުގެ ތެރެއިން 260 މިލިއަން ރުފިޔާގެ ވަގުފު ޢިމާރާތެއް އަޅަން ނިންމައިފި އެވެ.
އިސްލާމިކް މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވީ މި އަހަރުގެ ތެރޭގައި އަމަލީ މަސައްކަތް ފަށަން ހަމަޖެހިފައިވާ އިމާރާތް އަޅާނީ ޅުމާލޭގައި ކަމަށެވެ. އޮފީސް ޖާގަތަކަށް ހާއްސަކޮށްގެން އަޅާ އެ އިމާރާތަށް ކިޔާނީ "ދާރުއްސަލާމް އިސްލާމިކް ކޮމްޕްލެކްސް" އެވެ.
ޝަހީމު ވިދާޅުވީ މި މަޝްރޫއުގެ މި މަސައްކަތް ފެށުމުގެ ހުރިހާ މަރުހަލާއެއް މިހާރު ނިމިފައިވާ ކަމަށާއި އެކަމަށް 20،000 އަކަފޫޓްގެ ބިމެއް ވެސް އިސްލާމިކް މިނިސްޓްރީގެ ދަށަށް މިހާރު ރަޖިސްޓްރީކޮށްފައިވާ ކަމަށެވެ. އަދި މިހާރު ކުރިއަށް ދަނީ ޢިމާރާތް އެޅުމަށް ބޭނުންވާ ފައިސާ ބޭންކް އޮފް މޯލްޑިވްސް (ބީއެމްއެލް) ގެ އިސްލާމިކް ގޮފި މެދުވެރިކޮށް ހަމަޖެއްސުމަށް ފިނޭންސް މިނިސްޓްރީއާ އެއްކޮށް މަޝްވަރާކުރުންކަން ވިދާޅުވި އެވެ.
މާލޭގައި މިހާރު ވެސް މިހާރު ވެސް ވަގުފު އިމާރާތެއް ހުރެ އެވެ.