ދިވެހިރާއްޖޭގެ އިގްތިސާދީ ކުރިއެރުން މަޑުޖެހޭނެ ކަމަށް ވޯލްޑް ބޭންކުން ލަފާކޮށްފިއެވެ.
ވޯލްޑް ބޭންކުން ނެރެފައިވާ ރިޕޯޓްގައި ބުނެފައިވަނީ 2023 ވަނަ އަހަރު ރާއްޖެއަށް ރިކޯޑް މިންވަރަކަށް ފަތުރުވެރިން ޒިޔާރާތް ކުރި ކަމަށާއި އެގޮތުން 1.88 މިލިއަން ފަތުރުވެރިން ޒިޔާރާތް ކޮށްފައިވާ ކަމަށެވެ.
ފަތުރުވެރިން އިތުރުވިނަމަވެސް އެމީހުން ރާއްޖޭގައި ހޭދަކުރާ މުއްދަތު ކުރުވެ، ކުރާ ހަރަދު ކުޑަކަން ފާހަގަކޮށްފައިވެއެވެ. އަދި އެކަމުގެ ސަބަބުން ޖީޑީޕީ ކުރިއަރާ ނިސްބަތަށް ވެސް އަސަރު ކޮށްފައިވާ ކަމަށް ރިޕޯޓްގައި ފާހަގަ ކޮށްފައިވެއެވެ.
ވޯލްޑް ބޭންކުން ބުނެފައިވަނީ ރާއްޖޭގެ އިގްތިސާދަށް ގޮންޖެހުންތަކެއް އެބަހުރި ކަމަށާއި ފިޔަވަޅުތައް ނާޅައިފިނަމަ އިގްތިސޯދަށް އޭގެ އަސަރު ކުރާނެ ކަމަށެވެ.
މީގެއިތުރުން އިގްތިސާދި ހާލަތު ރަނގަޅުކުރުމަށް ހަރަދު ކުޑަކޮށް ސަބްސިޑީގެ އިސްލާހުތައް ގެންނަންޖެހޭ ކަމަށެވެ