ކަރަން ޖޯހަރްގެ ދަރުމާ ޕްރޮޑަކްޝަންގެ ވެބް ސީރީޒެއްގެ މަސައްކަތް، މަޝްހޫރު ޓީވީ އެކްޓަރު ނަހުލް މެހެތާ ފަށައިފި އެވެ.
އެމެޒޯން ޕްރައިމް ވީޑިއޯއާ ގުޅިގެން ހަދަމުން އަންނަ މި ސީރީޒްގެ ނަމަކީ "ޑޭރިން ޕާޓްނާސް" އެވެ. ނަކުލްއާ އެކީ މީގެ ބަތަލާއިންގެ ރޯލުން ފެންނާނީ ތަމަންނާ ބާޓިއާ އާއި ޑަޔާނާ ޕެންޓީ އެވެ. ވިޔަފާރީގެ ގުޅުންތަކެއްގެ އުފެދޭ ލޯބީގެ ގުޅުންތަކެއްގެ މައްޗަށް ބިނާކޮށް ހަދަމުން އަންނަ "ޑޭރިން ޕާޓްނާސް" ގެ ޑައިިރެކްޓަރުންނަކީ އަރްޗިޓް ކުމާރާއި ނިޝާންތު ނައިކް އެވެ.
ސްޓާ ޕްލަސް އިން ކުރިން ގެނެސްދިން މަގުބޫލު ސިލްސިލާ "އިޝްގްބާޒް" ގެ ބަތަލު ނަކުލް އެންމެ ފަހުން ފެނިފައި ވަނީ ސޮނީ ޓީވީން މިދިޔަ އަހަރު ގެނެސްދިން ސިލްސިލާ "ބަޅޭ އައްޗޭ ލަގްތޭ ހޭ" ސީޒަން ތިނެކުންނެވެ.
ދަރުމާގެ ވެބް ކޮންޓެންޓް ގޮފި، ދަރުމެޓިކް އެންޓަޓައިންމަންޓްގެ "ޑޭރިން ޕާޓްނާސް" ގެ ޝޫޓިން މިހާރު ކުރިއަށްދާ އިރު، ނަކުލް ކުރިން ވެސް ވެބް ސީރީޒްތަކެއް ކުޅެފައިވެ އެވެ. އޭގެ ތެރެއިން އެންމެ ފާހަގަކޮށްލެވޭ އެެއްޗަކީ ދެ ސީޒަނަކަށް ޒީ5 އިން ގެނެސްދިން "ނެވާ ކިސް ޔޯ ބެސްޓް ފްރެންޑް" އެވެ.
ނަކުލް މަދު ފިލްމުތަކެއްގައި ވެސް މަސައްކަތްކޮށްފައިވެ އެވެ. އޭގެ ތެރެއިން އެންމެ ފާހަގަކޮށްލެވެނީ 2008 ގެ "ހާލޭ ދިލް" އެވެ.