ބަތަލާ އަނަންޔާ ޕާންޑޭއާ ދެ އަހަރެއްހާ ދުވަސް ވަންދެން ރައްޓެހިވެގެން އުޅުމަށް ފަހު އެކްޓަރު އަދިތިޔާ ރޯއި ކަޕޫރް މިހާރު ބަތަލާ ސާރާ އަލީ ޚާންގެ ހިތް ފަތަހަކުރަން މަސައްކަތް ކުރަމުން އަންނަ ކަމަށް ރިޕޯޓްތައް ބުނެފި އެވެ.
އަދިތިޔާ އާއި އަނަންޔާ ރުޅިވި ވާހަކަ މިދިޔަ ހަފުތާގެ ތެރޭގައި މީޑިއާތަކުގައި ވަރަށް ހޫނުކށް ދެކެވުމާ އެކީ، ބައެއް މީޑިއާތަކުން ވަނީ ސާރާއާ އެކީ އަދިތިޔާ ޕާޓީކުރާ މަންޒަރު ފެންނަ ވީޑިއޯއެއް ވެސް ދައުރުކޮށްފަ އެވެ. އޭގައި ސާރާގެ އަނގަޔަށް އަދިތިތާ ކޭކްކޮޅެއް ލައްވާ މަންޒަރު ވެސް ފެނެ އެވެ.
ފާހަގަކޮށްކެވޭކަމަކީ އެ ދެ ތަރިން މިހާރު އެކީގައި ފިލްމެއްގެ މަސައްކަތް ވެސް ކުރަމުން އަންނަކަމެވެ. އެއީ ޑައިރެކްޓަރު އަނޫރާގް ބާސޫ މި އަހަރުގެ ނޮވެމްބަރު 29 ގައި ގެނެސްދޭން ތާވަލުކޮށްފައި އޮތް އެންތޮލޮޖީ ފިލްމު "މެޓްރޯ: އިން ދި ނޯ" އެވެ.
ސާރާ އާއި އަދިތިޔާގެ ގުޅުމުގެ ވާހަކަ މިހާރު ދެކެވެމުން އަންނަ އިރު، ސާރާ އަކީ އަނަންޔާގެ ވަރަށް ގާތް އެކުވެރިއެކެވެ. ކަރަން ޖޯހަރްގެ ޗެޓް ޝޯ، "ކޮފީ ވިތު ކަރަން 8" ގެ އެޕިސޯޑެއްގައި މިދިޔަ އަހަރު ދެ ތަރިން އެކީގައި ބައިވެރި ވެސް ވެފައިވެ އެވެ. އެ އެޕިސޯޑްގައި ކަރަން ކުރި ސުވާލެއްގެ ޖަވާބުގައި ސާރާގެ ވަނީ އޭނަގެ އަތުގައި ނެތް، އެކަމަކު އަނަންޔާގެ އަތުފައި އޮތް އެއްޗަކީ "ނައިޓް މެނޭޖާއެއް" ކަމަށް ބުނެ، ޖޯކް ވެސް ޖަހައިފަ އެވެ.
"ނައިޓް މެނޭޖާ" އަކީ މިދިޔަ އަހަރު ގެނެސްދިން އަދިތިޔާގެ ވެބް ސީރީޒެކެވެ.
ކޮންމެއަކަސް މިހާރު އަޑުތައް އަރާފައިވާ ގޮތުން ކުރިން ބަތަލާ ޝްރަދާ ކަޕޫރާ ވެސް ރައްޓެހިވި އެކްޓަރުގެ ލޯ މިހާރު އަމާޒުވެފައި އޮތީ ސައިފް އަލީ ޚާންގެ ދަރިފުޅު ސާރާއަށެވެ. ސާރާ ކުރިން އޭނަގެ 2020 ގެ ފިލްމު "ލަވް އާޖް ކަލް" ގެ ބަތަލު ކާތިކް އާރިއާނާ ވެސް ރައްޓެހިވި އެވެ.