ގއ. ދެއްވަދޫގައި ކުއްޖެއްގެ ބޮލަށް ގޭޓެއް ވެއްޓި އަނިޔާވެގެން ފަރުވާ ދޭން ފަށައިފި އެވެ.
އިއްޔެ ހަވީރު މި ހާދިސާ ހިނގާފައި ވަނީ ރަށުގެ ފުޓްސަލް ދަނޑުގައި ކުދިންތަކެއް ކުޅެ، ސަކަރާތް ޖަހަން އުޅުމުގެ ތެރޭގައި ދަނޑުގެ ގޭޓްގައި އެލި ގަނެ، ދަމައި ހެދުމުގެ ތެރޭގަ އެވެ. އަނިޔާވީ 7 އަހަރުގެ ފިރިހެން ކުއްޖަކަށެވެ.
މި ހާދިސާއާ ގުޅިގެން އެ ކުއްޖާ އަށް ގދ. ތިނަދޫ އަބްދުއްސަމަދު މެމޯރިއަލް ހޮސްޕިޓަލުގައި ފަރުވާ ދެމުން އަންނަ އިރު، ހާލު ރަނގަޅު ކަމަށް އާއިލާއާ ހަވާލާދީ ދެއްވަދޫ ކައުންސިލުން ބުންޏެވެ.