ސައުދީ އަރަބިއްޔާގެ މަދީނާގައި ތިބި ދިވެހި ދަރިވަރުންނާ ޑރ. މުޙައްމަދު މުޢިއްޒު ބައްދަލު ކުރައްވައިފި އެވެ.
އެ ރައީސް އެ ދަރިވަރުންނާ ބައްދަލުކުރެއްވީ އުމްރާގެ އަޅުކަމަށް ސައުދީއަށް ކުރައްވަމުން ގެންދަވާ ދަތުރުގެ ތެރެއިންނެވެ.
މަދީނާގައި ތިބި ދިވެހި ދަރިވަރުންނާއެކު ބޭއްވި ބައްދަލުކުރެއްވުމުގައި ރައީސުލްޖުމްހޫރިއްޔާ ވަނީ ދަރިވަރުންގެ ހާލު އަހުވާލު އައްސަވަައި، ކިޔެވުން ކުރިއަށްދާ ގޮތާއި ގުޅޭގޮތުން މައުލޫމާތު އޮޅުންފިލުއްވައިފަ އެވެ. އެ ބައްދަލުވުމުގައި ގިނަ އަދަދެއްގެ ދަރިވަރުންގެ އިތުރުން، ރައީސް އަރިހުގައި ސައުދީއަށް ވަޑައިގެންނެވި ވަފުދުގެ ބައެއް ބޭފުޅުން ވެސް ބައިވެރިވެވަޑައިގެންނެވިއެވެ.
ރައިސްގެ ދެކަނބަލިން އުމްރާގެ އަޅުކަމަށް ސައުދީއަށް ކުރައްވާ މި ދަތުރަކީ މާތްވެގެންވާ ދެ ޙަރަމްފުޅުގެ ޚާދިމް އަދި ސަޢޫދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒްގެ ޚާއްޞަ މެހެމާންދާރީގައި ކުރައްވާ ޢުމްރާ ދަތުރުފުޅެކެވެ.
ރައީސްގެ އަރިހުގައި އިސްލާމިކް އެފެއާޒް ޑރ. މުޙައްމަދު ޝަހީމް ޢަލީ ސަޢީދާއި އިސްލާމީ މަރްކަޒުގެ އިސް އިމާމު ޝައިޚް މުޙައްމަދު ލަޠީފް، ރައީސް އޮފީހުގެ ޗީފް އޮފް ސްޓާފް ޢަބްދުﷲ ފަޔާޒާއި، ރައީސް އޮފީހުގެ މިނިސްޓަރު ޢަލީ ޢާރިފާއި މިނިސްޓަ އެޓް ދަ ޕްރެޒިޑެންޓްސް އޮފީސް ޢަބްދުﷲ ނާސިރު ބައިވެރިވެވަޑައިގަންވަ އެވެ.