ޕިކްނިކް އައިލޭންޑެއްގެ ގޮތުގައި މާލެ ސަރަހައްދުގައި ކުރީގެ ސަރުކާރުން ތަރައްގީ ކުޑަކުރި މިހާރަށް ވުރެ ފުރިހަމަ ކުރާނެ ކަމަށް އެ ރަށް މެނޭޖްކުރާ ކުންފުނި ހައުސިން ޑިވެލޮޕްމަންޓް ކޯޕަރޭޝަން އެޗްޑީސީ) އިން ބުނެފި އެވެ.
އެ ކުންފުނީގެ މެނޭޖިން ޑިރެކްޓަރު ފަޒުލް ރަޝީދު ސޯޝަލް މީޑިއާ ޕޯސްޓެއްގައި ވިދާޅުވީ އިތުރު ވަސީލަތްކާ އެކީ ރަށް ތަރައްގީ ކުރަން އެެޗްޑީސީން މިހާރު މަސައްކަތްތަކެއް ކުރަމުން އަންނަ ކަމަށެވެ.
"ރައްޔިތުންނަށް ވަރަށް ފުރިހަމަ ހިދުމަތްތަކެއް ކުރިމަގުގައި ކުޑަގިރިން ލިބިގެން ދާނެ." އޭނަ ވިދާޅުވި އެވެ.
HDC ge belumuge dhashugai vaa kuda giri, ithuru vaseelai thakaa eku tharahgee kuran HDC inn masaikai kuramun dhaa vaahaka dhennevin. Rayithunah Varah furihama khidhumai thakeh kuri magugai kuda girin libigen dhaane…
— Fazul Rashyd (@FaZuLRaShYd) May 11, 2024
ކުޑަގިރި އަކީ ލޯންޗެއްގައި މާލެ އިން ފުރައިގެން 15 ވަރަކަށް މިނިޓްގެ ތެރޭގައި ދެވޭ ހިސާބުގައި ތަރައްގީކޮށްފައިވާ ރަށެކެވެ. މާލެ ސަރަހައްދުގެ ރައްޔިތުން ދަތުރުދާން ހާއްސަކޮށްގެން އެ ރަށް ތަރައްގީ ކުރީ ބިން ހިއްކައިގެންނެވެ. މިހާރު ވެސް ދަތުރުދާ މީހުންނަށް ބޭނުންވާނެ އަސާސީ ގިނަ ހިދުމަތްތަކެއް ލިބެން ހުރި ކުޑަގިރި ރަސްމީކޮށް ހުޅުވީ މިދިޔަ އަހަރުގެ ފެބްރުއަރީ 11 ގަ އެވެ.
ކުޑަގިރި ތަރައްގީކުރީ ސަރުކާރުގެ ފަސް ކުންފުންޏެއް ގުޅިގެންނެވެ. އެއީ އެމްޓީސީ އާއި އެޗްޑީސީ އާއި އެމްޑަބްލިއެސްސީ އާއި ފެނަކަގެ އިތުރުން ސްޓެލްކޯ އެވެ.