ބަޖެޓު ސަޕޯޓަށް އިންޑިއާއިން ދިން 50 މިލިއަން ޑޮލަރުގެ ޓީބިލު އަނބުރާ ދައްކަންޖެހޭ މުއްދަތު ފަސްކޮށްދީފިއެވެ.
މި ފައިސާއަކީ ކުރީގެ ރައީސް އިބްރާހިމް މުހައްމަދު ސޯލިހްގެ ވެރިކަމުގައި ބަޖެޓް ސަޕޯޓަށް ހޯދާފައިވާ 200 މިލިއަން ޑޮލަރެވެ. މީގެތެރެއިން 50 މިލިއަން ޑޮލަރު ހިލޭ އެހީގެގޮތުގައި ލިބުނުއިރު ބާކީ 150 މިލިއަން ޑޮލަރުގެ ތެރެއިން 50 މިލިއަން ޑޮލަރު މި ސަރުކާރުން ނިމުނު ޖެނުއަރީ މަހު ދައްކާފައިވެއެވެ. ދެވަނަ ޓީބިލް ދައްކަން ޖެހެނީ މި މަހުގެ ތެރޭގައެވެ.
ފޮރިން މިނިސްޓްރީން މިއަދު ބުނެފައިވަނީ އިންޑިއާއިން ބަޖެޓް ސަޕޯޓްގެ ގޮތުގައި ދިން ފައިސާގެ ތެރެއިން 50 މިލިއަން ޑޮލަރު އަނބުރާ ދެއްކުން އެއް އަހަރަށް ފަސްކޮށްދީފައިވާ ކަމަށެވެ.
— India in Maldives (@HCIMaldives) May 13, 2024
މިކަމަށް އިންޑިއާ ސަރުކާރުގައި އެދިފައިވަނީ ފޮރިން މިނިސްޓަރު މޫސާ ޒަމީރު މިފަހުން އިންޑިއާއަށް ކުރެއްވި ދަތުރުފުޅުގެ ތެރެއިންނެވެ.
150 މިލިއަން ޑޮލަރުގެ ތެރެއިން ތިން ވަނަ ޓީބިލަށްވާ 50 މިލިއަން ޑޮލަރު ދެއްކުން ހަމަވާނީ ސެޕްޓެމްބަރު މަހުއެވެ.