މާލޭ މަގުމައްޗަށް ފެންއެޅޭ ގޮތަށް ހުރި ތަންތަން މަރާމާތު ކުރުމަށް މާލެސިޓީ ކައުންސިލުން އަންގަން ފަށައިފިއެވެ.
މާލެސިޓީ ކައުންސިލުން އެކްސްގައި ކުރި ޕޯސްޓެއްގައި ބުނެފައިވަނީ، މާލޭ މަގުމައްޗަށް އެކި އިމާރާތްތަކުން ފެންތިކި ޖަހާ މައްސަލައަކީ ޒަމާނުއްސުރެ ހައްލުނުކުރެވި އޮތް މައްސަލައެއް ކަމަށެވެ. އަދި މިހާރު އެ މައްސަލަ ހައްލުކުރުމުގެ މަސައްކަތް ފެށިފައިވާ ކަމަށެވެ.
އެގޮތުން މިމަހު އެކަނިވެސް މަގުމައްޗަށް ފެންއެޅޭ ގޮތަށް ހުރި 30 ތަނެއް ފާހަނގަ ކޮށް، އެތަންތަން މަރާމާތުކޮށް ރަނގަޅުކުރުމަށް އަންގާފައިވާކަމަށް ސިޓީ ކައުންސިލުން މައުލޫމާތުދެއެވެ.
މާލޭސިޓީ ކައުންސިލުން ބުނެފައިވަނީ، މާލޭގައި ހުރި މައްސަލަތައް ހައްލުކުރުމަށް ހުރިހާ ރައްޔިތުންގެ އެއްބާރުލުން ބޭނުންވާ ކަމަށެވެ.
އެގޮތުން މި މަހު އެކަނިވެސް މަގުމައްޗަށް ފެންތިކި ޖަހާ ގޮތަށް ހުރި 30 ތަނެއް ފާހަނގަ ކޮށް، އެތަންތަން މަރާމާތުކޮށް ރަނގަޅުކުރުމަށް ވަނީ އެންގިފައި، މާލޭގައި ހުރި މައްސަލަތައް ހައްލުކުރުމަށް ހުރިހާ ރައްޔިތުންގެ އެއްބާރުލުން ބޭނުންވޭ.
— Malé City Council (@MaleCitymv) May 13, 2024
ވާރޭވެހި ވިއްސާރަކުރާއިރު މާލޭގެ މަގުތަކަށް ހަދަމުންދާ އިމާރާތްތަކުން އަދި ފެންއޮޅިތަކުން ފެން އެޅޭ މައްސަލަ އަކީ ބޮޑު މައްސަލައެކެވެ.