ހުޅުމާލޭގައި ހިނގި މާރާމާރިއެއްގައި މީހަކު ހައްޔަރުކޮށް ބަންދު މުއްދަތު ޖަހައިފިއެވެ.
ފުލުހުން މިއަދު ބުނެފައިވަނީ ހުޅުމާލޭގެ ހޮޓަލެއްގެ ތެރޭގައި ދިވެއްސަކާއި ބިދޭސީއަކާ ދެމެދު މާރާމާރިއެއް ހިނގާފައިވާކަމުގެ ރިޕޯޓް ރޭ ދަންވަރު 00:26 ގައި ލިބިފައިވާ ކަމަށެވެ.
މި މާރާމާރި ހިންގި 33 އަހަރުގެ ދިވެހި ފިރިހެން މީހާ ހައްޔަރު ކޮށްފައިވާ ކަމަށް ފުލުހުން މައުލޫމާތުދެއެވެ. އަދި އޭނާގެ ބަންދާމެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ގެންދިއުމުން 7 ދުވަހަށް ބަންދުކުރުމަށް އަމަރުކޮށްފައިވެއެވެ.
ފުލުހުން ބުނެފައިވަނީ މި މައްސަލަ ތަހުގީގު ކުރަމުން ގެންދާ ކަމަށެވެ.