އޭޕްރިލް މަހު ޑެންގީ ޖެހިގެން 244 ކޭސް ރިޕޯޓް ކޮށްފައިވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭއިން އާންމު ކޮށްފައިވާ މިދިޔަ މަހުގެ ތަފާސްހިސާބު ދައްކާގޮތުން މިދިޔަ މަހު ޑެންގީ ހުން ޖެހިގެން 244 ކޭސް ރިޕޯޓް ކޮށްފައިވެއެވެ. މިއީ މިއަހަރު މިހާތަނަށް އެންމެ ގިނަ ކޭސް ރިޕޯޓްކުރި މަހެވެ.
ޑެންގީ ހުން ޖެހިގެން ޖެނުއަރީ މަހު 145 ކޭސް، ފެބްރުއަރީ މަހު 116 ކޭސް އަދި މާޗް މަހު 119 ކޭސް ރިޕޯޓް ކޮށްފައިވެއެވެ.
އެޗްޕީއޭއިން ބުނެފައިވަނީ މި އަހަރުގެ މާޗު މަހާ އަޅާބަލާއިރު އޭޕްރިލް މަހު ޑެންގީ ހުން ފިޔަވާ އާއްމުކޮށް ރިޕޯޓްކުރެވޭ އެހެން ހުރިހާ ބައްޔެއް ދަށަށް ގޮސްފައިވާ ކަމަށެވެ.
ޑެންގި ހުން އިތުުރެވެފައިވަނީ މާލެއޭރިޔާގެ އިތުރުން ހދ، ނ، އަދި ކ އަތޮޅުގައެވެ.